ដូណាល់ ត្រាំ ដុកអង់គ្លេសឱ្យប្រុងប្រយ័ត្ន Huawei ចិន
ទីក្រុងឡុងដន៍ ៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា លោកប្រធានាធិបតី ដូណាល់…
ទីក្រុងឡុងដន៍ ៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា លោកប្រធានាធិបតី ដូណាល់…
ទីក្រុងឡុងដន៍ ៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃអាទិត្យ កន្លងមកថា លោកប្រធានាធិបតី ដូណាល់ ត្រាំ របស់សហរដ្ឋអាមេរិកបានជំរុញដល់ចក្រភពអង់គ្លេសឲ្យប្រុងប្រយ័ត្ននឹងក្រុមហ៊ុន Huawei ក្នុងផ្នែក 5G ។
លោក ត្រាំ បានប្រាប់ដល់សារព័ត៌មាន Times កាលពីថ្ងៃអាទិត្យ ថាចក្រភពអង់គ្លេសមានជម្រើសជាច្រើនទៀត ហើយពួកគេត្រូវតែប្រុងប្រយ័ត្នពេលដែលគិតពីសន្តិសុខជាតិ ។
លោកបានបន្ថែមថា សហរដ្ឋអាមេរិកមានក្រុមប្រមូលព័ត៌មានសំខាន់មួយដែលសហការយ៉ាងជិតដិតជាមួយនឹងចក្រភពអង់គ្លេស ដូច្នេះសហរដ្ឋអាមេរិកត្រូវតែមានការប្រុងប្រយ័ត្នខ្ពស់ ។ ជាយូរមកហើយ សហរដ្ឋអាមេរិកបានបង្ហាញពីភាពសង្ស័យថា Huawei ស្ថិតក្រោមការគ្រប់គ្រងរបស់រដ្ឋាភិបាលចិន និងជាការគម្រាមកំហែងសន្តិសុខពិភពលោក ។
រដ្ឋាភិបាលរបស់អ្នកស្រីនាយករដ្ឋមន្ត្រី Theresa May បានបញ្ជាក់ថា ពួកគេមិនទាន់បានសម្រេចចិត្តលើការចូលរួមរបស់ Huawei ក្នុងការស្ថាបនាបណ្តាញ 5G ក្នុងប្រទេសអង់គ្លេសទេ ។ អ្នកស្រីនឹងចុះចេញពីតំណែងក្នុងកំឡុងពេលប៉ុន្មានសប្តាហ៍ខាងមុខនេះ ព្រោះតែអ្នកស្រីបរាជ័យក្នុងការចរចាលើកិច្ចព្រមព្រៀង Brexit មួយមុនថ្ងៃកំណត់ ។
លោក ត្រាំ បានផ្តល់យោបល់ថា នាយករដ្ឋមន្ត្រីបន្ទាប់គួរតែដើរចេញពីការចរចា Brexit ប្រសិនបើពួកគេមិនអាចសម្រេចបានកិច្ចព្រមព្រៀងមួយដែលល្អប្រសើរជាងនេះទេ ។ ថ្ងៃតែមួយដែលលោកប្រធានាធិបតី ត្រាំ បង្ហាញការគាំទ្រដល់លោក Boris Johnson ដែលជាអតីតរដ្ឋមន្ត្រីការបរទេសឲ្យឡើងកាន់តំណែងរបស់អ្នកស្រី May លោក ត្រាំ បានផ្តល់យោបល់ថា លោក Nigel Farage ដែលជាអ្នកគាំទ្រ Brexit ជួយដល់ការចរចាជាមួយសហភាពអ៊ឺរ៉ុប ៕
កែសម្រួលដោយ ៖ សំណាង
ចុចអាន ៖ នៅមិនទាន់អស់ចិត្ត អាមេរិកផ្លុំត្រចៀកកូរ៉េខាងត្បូងកម្ចាត់ Huawei
ចែករំលែកព័តមាននេះ