រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅព្រឹកថ្ងៃទី០៣ ខែមិថុនា ឆ្នាំ២០១៩ មានហេតុការណ៍ភ្ញាក់ផ្អើលកើតឡើងមួយដោយជនជាតិចាក់គ្នា បណ្តាលអោយរងរបួសម្នាក់ ហើយឃាត់ខ្លួនបាន២នាក់ នៅខាងមុខស្ថានទូតចិន ផ្លូវម៉ៅសេទុង ក្នុងសង្កាត់ទួលទំពូងទី២ ខណ្ឌចំការមន ។
សេចក្តីរាយការណ៍បានបន្តថា ពាក់ពន្ធ័ទៅនឹងករណីជនជាតិចិនចាក់គ្នានេះដែរ គេមិនទាន់ដឹងពីមូលហេតុអ្វីឡើយ តែដោយកម្លាំងមានសម្ថកិច្ចឃាត់ខ្លួនបុរសជនជាតិចិន ដៃដល់ចំនួន២នាក់កំពុងធ្វើការសាកសួរផងដែរ ។
ចំណែកជនរងគ្រោះជាជនជាតិចិនដូចគ្នា ហើយត្រូវបានបញ្ជូនយកទៅសង្គ្រោះនៅមន្ទីរពេទ្យមិត្តភាពខ្មែរសូវៀតផងដែរ ។ ព័ត៌មានលំអិតនឹងមានផ្សាយជូនជាបន្តបន្ទាប់ទៀត ។ កែសម្រួលដោយ ៖ សុឃាក់
ចែករំលែកព័តមាននេះ