រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៨និង៣០នាទីព្រឹក ថ្ងៃទី០៣ ខែមិថុនានេះ មានករណីប្រទះឃើញសពបុរសម្នាក់លង់ទឹកស្លាប់ ដែលស្ថិតនៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៨និង៣០នាទីព្រឹក ថ្ងៃទី០៣ ខែមិថុនានេះ មានករណីប្រទះឃើញសពបុរសម្នាក់លង់ទឹកស្លាប់ ដែលស្ថិតនៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ ។
សេចក្តីរាយការណ៍បឋមបានបន្តថា សពមានឈ្មោះឡុន នៅ អាយុ២៧ឆ្នាំ មុខរបរជាងដែក ស្នាក់នៅភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ ស្រុកកំណើតភូមិក្រាំស្គៀ ឃុំក្រាំងស្គៀ ស្រុកទឹកផុស ខេត្ដកំពង់ឆ្នាំង ។ ករណីសពនេះសង្ស័យភ័យនគរបាលចុះបង្ក្រាបគ្រឿងញឿនវេលាម៉ោងជាង៨យប់ថ្ងៃទី០២ ខែនេះ ដោយយប់នោះកម្លាំងនគរបាលបានចុះល្បាត ហើយក៏បានឃើញជនខាងលើ និងបក្សពួក២នាក់ទៀតបាននាំគ្នាផឹកស្រា និងទៅសេពគ្រឿងញៀនក្នុងភូមិសាស្ត្រខាងលើ ចឹងហើយកម្លាំងនគរបាលបានដេញ និងចាប់ខ្លួនបានម្នាក់ និង២នាក់ទៀតបានរត់ហើយទៅលោតចុះក្នុងទឹកខាងលើ ។
ក្នុងខណៈនោះនគរបាលក៏បានព័ទ្ធដែរ តែរកមិនឃើញចឹងហើយក៏បានបាត់ខ្លួនទាំង២នាក់តែម្តង ។ ដោយឡែកព្រឹកមិញនេះក៏បានប្រទះឃើញសពម្នាក់ និងម្នាក់ទៀតតាមការសន្និដ្ឋានអាចរត់រួច ។ បញ្ជាក់ ចំណែកក្នុងការចុះបង្ក្រាបគ្រឿងញៀននេះក៏មានការផ្ទុះអាវុធដែរ ហើយជនទាំង៣ខាងលើក៏បានភ័យរត់ផងដែរ ។ នគរបាលបានសន្និដ្ឋានថា ដោយពួកគេបានផឹកស្រាស្រវឹង ហើយបានលោតទឹកចឹងហើយបានជាស្លាប់៕ កែសម្រួលដោយ ៖ សុឃាក់
ចែករំលែកព័តមាននេះ