ឡូយណាស់! បង្គោលខៀវមិនចង់ជឿថា ខ្លួនហក់ចូលវគ្គពាក់កណ្ដាលផ្ដាច់ព្រ័ត្រ
- ភ្នំពេញ
រាជធានីភ្នំពេញ ៖ ចាត់ទុកថា គួរឱ្យសរសើរយ៉ាងខ្លាំងដែលការប្រកួតជ្រើសរើសជើងឯក TV5 Knock out Series by K-Cement…
រាជធានីភ្នំពេញ ៖ ចាត់ទុកថា គួរឱ្យសរសើរយ៉ាងខ្លាំងដែលការប្រកួតជ្រើសរើសជើងឯក TV5 Knock out Series by K-Cement…
រាជធានីភ្នំពេញ ៖ ចាត់ទុកថា គួរឱ្យសរសើរយ៉ាងខ្លាំងដែលការប្រកួតជ្រើសរើសជើងឯក TV5 Knock out Series by K-Cement រដូវកាលទី៥ ក្នុងប្រភេទទម្ងន់៥៤គីឡូក្រាម កាលពីថ្ងៃទី១ មិថុនា កីឡាករបង្គោលខៀវ ឡុង ណងសាវ មកពីក្លិបសាលវ័ន្តកីឡា ក្លាយជាអ្នកបានឡើងវគ្គ៤នាក់ ឬហៅថា វគ្គពាក់កណ្ដាលផ្ដាច់ព្រ័ត្រ ខណៈបង្គោលក្រហម ចាន់ សាន់ ដែលជាសិស្សជើងខ្លាំងមកពីក្លិបនិរោធមានជ័យ ក៏មិនធម្មតា។
នេះជាការប្រកួតរវាងអ្នកឈ្នះទាំង៨នាក់ យកតែ៤នាក់ ក្នុងសប្ដាហ៍ទី១។ អាចនិយាយបានថា ពេញរយៈពេលប្រកួត៣ទឹកតែម្ដង ដែលមួយគូនេះត្រូវគេកត់សម្គាល់ថា អត់មានកីឡាករខាងណាមិនសំចៃដៃ ឬទុកមុខឱ្យគ្នា ដោយសារតែអ្នកទាំងពីរសុទ្ធតែត្រូវការឡើងទៅកាន់វគ្គបន្ត ហើយមិនចង់ជ្រុះចេញពីកម្មវិធី។
បង្គោលក្រហម ចាន់ សាន់ ដែលជាកីឡាករជើងខ្លាំង និងមានប្រវត្តិធ្លាប់ខ្លាំងស្ទើរគ្រប់សង្វៀនមកហើយ ត្រូវគេឃើញបញ្ចេញសមត្ថភាពខ្លាំង តែបង្គោលខៀវ នៅតែដណ្ដើមបានជ័យជម្នះ ក្រោយការតស៊ូ។ កីឡាករបង្គោលខៀវ បង្ហាញអារម្មណ៍លោតកញ្ជ្រោលសប្បាយអរចង់ហោះ បន្ទាប់ពីត្រូវបានគណៈកម្មការប្រកាសថា បានឈ្នះពិន្ទុ ដោយសារតែគេប្រកាសថា មិនចង់ជឿថា ឈ្មោះរបស់ខ្លួនត្រូវបានប្រកាសឱ្យជាប់ក្នុងវគ្គ៤នាក់ ដែលវគ្គកាន់តែសំខាន់ក្នុងការប្រកួតជើងឯក។
យ៉ាងណាមិញ លោកនៅតែបង្ហាញអារម្មណ៍ភ័យៗសម្រាប់ការប្រកួតជម្រុះក្នុងវគ្គបន្ត ដោយមិនទាន់ដឹងថា នឹងមានសំណាងបែបនឹងម្ដងទៀត ឬយ៉ាងណានោះទេ ខណៈដែលការប្រកួតបើលោកបានឈ្នះមួយប្រកួតទៀត គឺនឹងឡើងដណ្ដើមយកតំណែងជើងឯក អមដោយទឹកប្រាក់៤ពាន់ដុល្លារ៕ (កែសម្រួលដោយ ៖ បុប្ផា)
ចែករំលែកព័តមាននេះ