ប្រភព NextShark បានផ្សាយឱ្យដឹងថា មនុស្សដែលមានគំនិតច្នៃប្រឌិតមួយចំនួននៅក្នុងប្រទេសជប៉ុនបានបង្កើតនូវដំណោះស្រាយដែលល្អសម្រាប់ការពារកម្តៅថ្ងៃដែលមិនអាចទ្រាំបាននៅពេលត្រូវដើរចេញទៅខាងក្រៅនៅរដូវក្តៅ ។ ចំពោះឆត្រធម្មតាមិនគ្រប់គ្រាន់ដើម្បីការពារអ្នកពីកម្តៅព្រះអាទិត្យបានទេ ជាពិសេសនៅពេលដែលសីតុណ្ហភាពស្ថិតក្នុងរង្វង់ ១០០ អង្សា F ។
NextShark ឱ្យដឹងទៀតថា មិនថ្វីទេជាសំណាងល្អក្រុមហ៊ុនជប៉ុន Thanko បានផលិតឆត្រមួយដែលមានឈ្មោះថា Fanbrella ដែលវាមានកង្ហារ Hybrid មួយនៅពីលើ ហើយវាមិនត្រឹមតែផ្ដល់នូវម្លប់ប៉ុណ្ណោះទេ ប៉ុន្តែវាក៏ធ្វើឱ្យអ្នកប្រើទទួលបាននូវភាពត្រជាក់ជាមួយកង្ហារ Hybrid នៅពីលើក្បាលផងដែរ ។
ជាងនេះទៅទៀតប្រសិនបើកង្ហារ Hybrid ព្រមទាំងម្លប់ឆត្រមិនគ្រប់គ្រាន់ទេនោះ វាក៏មានជម្រើសមួយទៀតផងដែរ គឺវាអាចបាញ់ចំហាយទឹកធ្វើឱ្យមានសំណើម ដើម្បីឱ្យអ្នកកាន់តែត្រជាក់បន្ថែមទៀត ដោយគ្រាន់តែបញ្ចូល.កដបទឹកសុទ្ធតាមដងឆត្រខាងក្រោមជាការស្រេច ។ កន្លែងបាញ់ទឹកនេះត្រូវបានដាក់នៅខាងលើដែរ ហើយគ្រាន់តែចុចប៊ូតុងនៅលើដងឆត្រ Fanbrella វានឹងបញ្ចេញចំហាយទឹកត្រជាក់មកហើយ ។
ឆត្រ Fanbrella បានដាក់លក់តែនៅលើ Online របស់ហាង Thanko ប៉ុណ្ណោះដែលមានតម្លៃ ៥៥.៤២ ដុល្លារអាមេរិក ។ ឧបករណ៍ឆត្រដ៏ទំនើបនេះបានផ្តល់នូវថាមពលថ្មប្រើប្រាស់បានរយៈពេល ៥ ម៉ោងសម្រាប់ប្រើកង្ហារ ។ Fanbrella ត្រូវគ្នាជាមួយ ក ដបទឹកសុទ្ធដែលមានអង្កត់ផ្ចិតទំហំ ១,១ អ៊ីង ៕
កែសម្រួលដោយ ៖ សំណាង
ចែករំលែកព័តមាននេះ