ខេត្តសៀមរាប ៖ បើតាមមន្ត្រីនគរបាលនាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន បានបញ្ជាក់
ថា ការភ្ញាក់ផ្អើលដោយសារវ៉ាលិសទុកចោលនៅព្រលានយន្តហោះអន្តរជាតិសៀមរាប បានកើតឡើងកាលពីវេលាម៉ោងជាង១១ព្រឹកថ្ងៃទី៣០ ឧសភា ហើយបង្កឡើងដោយជនជាតិចិនម្នាក់ ដែលរៀបឡើងយន្ដហោះទៅម៉ាកាវ ប៉ុន្ដែដោយសារអីវ៉ាន់ក្នុងវ៉ាលិសលើស ខាងព្រលានតម្រូវឲ្យបង់លុយ៨០ដុល្លារទៀត ទើបរូបគេទុកវ៉ាលិសនេះចោលតែម្ដង ដែលទង្វើគាត់នេះ បានធ្វើឱ្យមានការភ្ញាក់ផ្អើល និងភ័យខ្លាច គ្រប់គ្នា ព្រោះគិតថា វ៉ាលិសនោះស្មានតែជាគ្រាប់បង្កៃប្លុងចោល ។
គួរបញ្ជាក់ថា មានការភ្ញាក់ផ្អើលមួយនៅព្រលានយន្តហោះអន្តរជាតិសៀមរាប ដោយសារតែប្រទះឃើញវ៉ាលីសមួយ ត្រូវគេប្លុងចោលនិងស្មានថា ជាគ្រាប់បែកបង្កៃរហូតដល់មន្ដ្រីស៊ីម៉ាក់ ចុះទៅពិនិត្យមើល
ភ្លាមៗ ។ តាមការពិនិត្យជាក់ស្ដែង របស់មន្ដ្រីនគរបាលជំនាញ និងមន្ដ្រីស៊ីម៉ាក់ ជាលទ្ធផលបង្ហាញថា នៅក្នុងវ៉ាលិសនោះ មានតែសម្លៀកបំពាក់និងកាហ្វេប៉ុណ្ណោះ មិនមែនជាម្សៅដែលបង្កឲ្យមានជាតិផ្ទុះនោះឡើយ ។
ក្រោយពីការភ្ញាក់ផ្អើល បុរសជនជាតិចិនម្នាក់ត្រូវបានឃាត់ខ្លួនសួរនាំ ជុំវិញការបោះចោលវ៉ាលិសរបស់ខ្លួននៅព្រលានយន្ដហោះនេះ ។ (សម្រួលដោយ៖ ស្រីណា)
ចែករំលែកព័តមាននេះ