រាជធានីភ្នំពេញ ៖ យោងតាមសេចក្ដី ជូនដំណឹងរបស់សហព័ន្ធកីឡាបាល់ទាត់កម្ពុជា ឱ្យដឹងថា នៅថ្ងៃព្រហស្បតិ៍ ទី៦ មិថុនា ខាងមុខនេះ កម្ពុជានឹងធ្វើជាម្ចាស់ផ្ទះនៃការប្រកួតវគ្គជម្រុះ…
រាជធានីភ្នំពេញ ៖ យោងតាមសេចក្ដី ជូនដំណឹងរបស់សហព័ន្ធកីឡាបាល់ទាត់កម្ពុជា ឱ្យដឹងថា នៅថ្ងៃព្រហស្បតិ៍ ទី៦ មិថុនា ខាងមុខនេះ កម្ពុជានឹងធ្វើជាម្ចាស់ផ្ទះនៃការប្រកួតវគ្គជម្រុះ World Cup Quatar 2022 និង Asian Cup 2023 នៅពហុកីឡដ្ឋានជាតិ ដោយត្រូវជួបជាមួយក្រុមជម្រើសជាតិប៉ាគីស្ថាននៅវេលាម៉ាង៦និង៣០នាទីល្ងាច។
លោក ឆាំង ពិសិដ្ឋ មន្ត្រីគណៈកម្មការបច្ចេកទេសរបស់សហព័ន្ធកីឡាបាល់ទាត់កម្ពុជា បានឱ្យដឹងថា នេះជាការប្រកួតជើងទី១រវាងក្រុមទាំងពីរដែលមិនធ្លាប់ជួបគ្នាពីមុនមកនោះទេ។ ក្រុមជម្រើសជាតិប៉ាគីស្ថានគឺជាក្រុមខ្លាំងគួរសម មួយនៅក្នុងទ្វីបអាស៊ីដោយធ្លាប់យកឈ្នះលើក្រុមជម្រើសជាតិថៃកាលពីប៉ុន្មានឆ្នាំមុនទៀតផង ។ ទោះបីយ៉ាងណា សម្រាប់ការមកជួបជាមួយក្រុមជម្រើសជាតិកម្ពុជាលើកនេះ លោកមិនហ៊ានថាយ៉ាងណានោះទេ។
ឯសំបុត្រចូលទស្សនាវិញនោះ នឹងត្រូវចាប់ផ្ដើមលក់ពីថ្ងៃទី១មិថុនា ខាងមុខនេះហើយដោយកន្លែងមានដំបូលតម្លៃ១០០០០រៀល និងកន្លែងអត់ដំបូលតម្លៃ៥០០០រៀល ។ សហព័ន្ធកីឡាបាល់ទាត់កម្ពុជាក៏បានអំពាវនាវដល់សាធារណជនសូមចូលរួមទស្សនាឱ្យបានច្រើនកុះករដើម្បីលើកទឹកចិត្តដល់ក្រុមជម្រើសជាតិកម្ពុជាយើង៕ (កែសម្រួលដោយ ៖ បុប្ផា)
ចែករំលែកព័តមាននេះ