ខណៈពេលដែលក្រុមហ៊ុនផលិតរថយន្តអាមេរិកដូចជាក្រុមហ៊ុន Ford, Ram និង Chevrolet សុទ្ធតែបានដាក់បង្ហាញនូវរថយន្តភីកអាប់ថ្មីៗរបស់ខ្លួន ថ្មីៗនេះរថយន្ត Toyota Tundra ដែលបានមានប្រជាប្រិយភាពតាំងពីឆ្នាំ២០០៧…
ខណៈពេលដែលក្រុមហ៊ុនផលិតរថយន្តអាមេរិកដូចជាក្រុមហ៊ុន Ford, Ram និង Chevrolet សុទ្ធតែបានដាក់បង្ហាញនូវរថយន្តភីកអាប់ថ្មីៗរបស់ខ្លួន ថ្មីៗនេះរថយន្ត Toyota Tundra ដែលបានមានប្រជាប្រិយភាពតាំងពីឆ្នាំ២០០៧ បានដាក់លក់យ៉ាងពេញនិយមនៅអាមេរិក។ វាគឺជារថយន្ត ដែលជាគូប្រជែងជាមួយនឹងរថយន្តរបស់អាមេរិកតាំងពីយូរណាស់មកហើយ។ ម៉ូដែលថ្មីរបស់វា នឹងលេចចេញជារូបរាងនៅពេលខាងមុខឆាប់ៗនេះ។
យើងបានដឹងរួចមកហើយថារថយន្ត Tundra ថ្មី នឹងមានម៉ាស៊ីន Hybrid ដែលមានកម្លាំងយ៉ាងខ្លាំងក្លាគួរឱ្យកោតសរសើរ និង មានការសន្សំសំចៃសាំងខ្ពស់។ យោងតាមប្រភពដដែលបានឱ្យដឹងថា រថយន្តជំនាន់ថ្មីជំនាន់ថ្មីរបស់ក្រុមហ៊ុនតូយ៉ូតានឹងប្រើម៉ាស៊ីន V6 ស៊ីឡាំង ៣.៥លីត្រ ដែលមានបញ្ចូលគ្នាជាមួយនឹងប្រព័ន្ធថាមពលអគ្គិសនី និង អាគុយលីចូមសម្រាប់ផ្ទុកអគ្គិសនីប្រើប្រាស់។ ម៉ាស៊ីនរបស់វាមានលក្ខណៈស្រដៀងគ្នាខ្លាំង ទៅនឹងម៉ាស៊ីនរបស់រថយន្ត Lexus 500h។
ប្រភពនេះបាននិយាយថា វានឹងកាន់តែមានអនុភាពនៅក្នុង Tundra ថ្មី ហើយផលិតកម្លាំងបាន ៤៥០សេះ និងកម្លាំងបង្វិលជុំបាន៥០០ផោនហ្វីត។ កម្រិតស៊ីសាំងរបស់វាវិញ គឺ ១០០គីឡូម៉ែត្រស៊ីត្រឹមតែខ្ទង់១០លីត្រប៉ុណ្ណោះ។
យើងនៅមិនទាន់អាចឃើញវាជាផ្លូវការនោះទេ ដោយសារតែការឌីហ្សាញតួខ្លួនរបស់វា នៅមិនទាន់សម្រេចនៅឡើយទេ។ គេរំពឹងថា វានឹងមានមកជាមួយនឹងប្រអប់លេខអូតូ១០លេខ ជាមួយនឹងបូមខ្យល់ ក៏ដូចជាបច្ចេកវិទ្យាទំនើបៗផ្សេងទៀត។
រថយន្ត Toyota Tundra ជំនាន់ក្រោយនឹងត្រូវបង្ហាញខ្លួននៅចុងឆ្នាំនេះ និងដាក់លក់នៅឆ្នាំក្រោយ ដែលត្រូវជាមួយនឹងសេរ៊ីរថយន្តឆ្នាំ២០២១។ វាពិតជាគូប្រជែងជាមួយនឹងរថយន្តភីកអាប់របស់អាមេរិកពិតមែន៕
កែសម្រួលដោយ ៖ សំណាង
ចែករំលែកព័តមាននេះ