យោងតាមសារព័ត៌មាន nextshark បានផ្សាយឱ្យដឹងថា មានបេក្ខភាពឯករាជ្យមួយរូបសម្រាប់ការចូលរួមបោះឆ្នោតទូទៅនៅប្រទេសឥណ្ឌាបានស្រក់ទឹកភ្នែកតាមកញ្ចក់ទូរទស្សន៍ក្នុងពេលផ្សាយបន្តផ្ទាល់បន្ទាប់ពីបានដឹងថាគាត់ទទួលបានសម្លេងឆ្នោតត្រឹមតែ ៥ សន្លឹកប៉ុណ្ណោះនៅក្នុងហឹបឆ្នោតខណៈដែលគ្រួសាររបស់គាត់មានគ្នាចំនួន ៩ នាក់បានបោះឆ្នោតនៅទីនោះ ។ លោក…
យោងតាមសារព័ត៌មាន nextshark បានផ្សាយឱ្យដឹងថា មានបេក្ខភាពឯករាជ្យមួយរូបសម្រាប់ការចូលរួមបោះឆ្នោតទូទៅនៅប្រទេសឥណ្ឌាបានស្រក់ទឹកភ្នែកតាមកញ្ចក់ទូរទស្សន៍ក្នុងពេលផ្សាយបន្តផ្ទាល់បន្ទាប់ពីបានដឹងថាគាត់ទទួលបានសម្លេងឆ្នោតត្រឹមតែ ៥ សន្លឹកប៉ុណ្ណោះនៅក្នុងហឹបឆ្នោតខណៈដែលគ្រួសាររបស់គាត់មានគ្នាចំនួន ៩ នាក់បានបោះឆ្នោតនៅទីនោះ ។
លោក Neetu Shutteran Wala ដែលបានចូលរួមប្រកួតប្រជែងសម្រាប់កៅអីពលរដ្ឋរបស់គាត់នៅក្នុងក្រុង Jalandhar រដ្ឋ Punjab បាននិយាយថាការបោះឆ្នោតត្រូវបានគេធ្វើលំអៀងនឹងការពេញចិត្តរបស់គាត់ ។
លោក Wala បានយំខ្សឹកខ្សួលដោយសារតែមិនអាចលួងចិត្តខ្លូនឯងបាន បានប្រាប់ភ្នាក់ ងារព័ត៌មានក្នុងស្រុក Jagbani ថា «ខ្ញុំមានអ្នកបោះឆ្នោត ៩ នាក់នៅក្នុងគ្រួសាររបស់ខ្ញុំហើយមានតែ ៥ នាក់ទេដែលគាំទ្រខ្ញុំ ។ លោកបានចោទប្រកាន់ថាការបោះឆ្នោតបានរៀបចំ ព្រោះអ្នកជិតខាងរបស់ខ្ញុំទាំងអស់បានស្បថក្នុងនាមព្រះ Chintpurni ថាពួកគេនឹងបោះឆ្នោតឱ្យខ្ញុំ» ។
បេក្ខជនខកចិត្តរូបនេះបានបន្ថែមថាគាត់បានចាកចេញពីហាងរបស់គាត់អស់រយៈពេលមួយខែដើម្បីធ្វើការជាមួយប្រជាជន ។ បន្ទាប់មកគាត់បានស្បថថា «ខ្ញុំនឹងមិនចូលរួមប្រកួរការបោះឆ្នោតទៀតទេ» ។
ទោះជាយ៉ាងណាក៏ដោយលោក Wala មិនមែនទទួលបានសម្លេងឆ្នោតត្រឹមតែ ៥ សន្លឹកនេះទេ ។ យោងទៅតាមគណកម្មាធិការបោះឆ្នោតនៃប្រទេសឥណ្ឌាបានឱ្យដឹងថា លោក Wala ទទួលបានសម្លេងគាំទ្រ ៨៥៦ ក្នុងការបោះឆ្នោតចុងក្រោយដោយមានបេក្ខជនបីរូបទៀតមានអ្នកគាំទ្រតិចជាងលោកទៅទៀត ។
សូមបញ្ជាក់ផងដែរថាការបោះឆ្នោតសកលនៅឥណ្ឌាបានចាប់ផ្តើមពីថ្ងៃទី ១១ ខែមេសា ដល់ថ្ងៃទី ១៩ ឧសភា ។ ហើយទោះបីជាលោក Wala មិនបានទទួលសម្លេងឆ្នោតគាំទ្រច្រើននៅក្នុងការបោះឆ្នោតនោះក៏ដោយ តែការផ្សាយបន្តផ្ទាល់នៅលើប៉ុស្តិ៍ទូរទស្សន៍គាត់បានឈ្នះរាប់ពាន់ Share ឯណោះនៅលើប្រព័ន្ធផ្សព្វផ្សាយសង្គម ៕
កែសម្រួលដោយ ៖ សំណាង
ចែករំលែកព័តមាននេះ