រថយន្ត Audi A8 ត្រូវបានបង្កើតឡើងយ៉ាងរឹងមាំជារថយន្តប្រណិតកម្រិតខ្ពស់របស់ក្រុមហ៊ុន Audi ។ ប៉ុន្តែក្រុមហ៊ុនផលិតរថយន្តនេះ គ្រោងនឹងផលិតវាឱ្យកាន់តែប្រណិតជាសព្វថ្ងៃមួយកម្រិតទៀតសម្រាប់ស៊េរីក្រោយ ។ ព័ត៌មាននេះត្រូវបានប្រកាសនៅសប្តាហ៍នេះ…
រថយន្ត Audi A8 ត្រូវបានបង្កើតឡើងយ៉ាងរឹងមាំជារថយន្តប្រណិតកម្រិតខ្ពស់របស់ក្រុមហ៊ុន Audi ។ ប៉ុន្តែក្រុមហ៊ុនផលិតរថយន្តនេះ គ្រោងនឹងផលិតវាឱ្យកាន់តែប្រណិតជាសព្វថ្ងៃមួយកម្រិតទៀតសម្រាប់ស៊េរីក្រោយ ។
ព័ត៌មាននេះត្រូវបានប្រកាសនៅសប្តាហ៍នេះ ក្នុងអំឡុងពេលកិច្ចប្រជុំទូទៅប្រចាំឆ្នាំរបស់ក្រុមហ៊ុន ខណៈដែលក្រុមហ៊ុន Audi បានបញ្ជាក់ថាគម្រូរថយន្ត A8 នឹងមានបំពាក់មកជាមួយនូវគ្រឿងទំនើបៗ ដែលមានលក្ខណៈប្រណិត និងពោរពេញដោយកិត្យានុភាព ។
យោងតាមសេចក្តីរាយការណ៍ថាស៊េរី A8 ប្រភេទប្រណិតកម្រិតខ្ពស់ នឹងផលិតឡើងយកគម្រូតាម A8 សេរ៊ីខាងក្រោយវែង (Long-Wheel Base) ហើយគេចាត់ទុកវាជាគូប្រជែងជាមួយនឹង Mercedes-Maybach S-Class ។ តែគេនឹងមិនធ្វើវាឱ្យមានផ្នែកខាងក្រោយ កាន់តែវែងជាងប្រភេទ Long-Wheel Base ឡើយ។
នៅលើរថយន្តនេះ នឹងមានបំពាក់មកជាមួយនូវគ្រឿងសំបូរបែបជាងរថយន្ត A8 ទូទៅ ដោយវាមានយ៉ាន់កង់ថ្មី និង មានដាក់ស្លាកឡូហ្គោ «Horch» ដែលជាម៉ាករបស់រថយន្តជំនាន់ឆ្នាំ ១៩៣០ប្លាយ នៅជាប់ជាមួយនឹងផ្នែកក្បាំងកញ្ចក់បង្អួចខាងក្រោយ ។
វាមានបំពាក់នូវម៉ាស៊ីន Twin-Turbo 6.0-liter W12 ដែលជាប់ជាមួយនឹងបច្ចេកវិទ្យាវិលកង់ទាំងបួន។ យើងរំពឹងថា វានឹងមានកម្លាំងយ៉ាងហោចណាស់ ៥៨៥សេះ ដូចទៅនឹង A8 ធម្មតាដែរ។ វាក៏អាចមានម៉ាស៊ីនខ្លាំងដូចទៅនឹង Continental GT និង Bentayga ដែរ ដែលមានកម្លាំង ៦២៦សេះ។
ក្រុមហ៊ុនរថយន្ត Audi មិនបានបញ្ជាក់ថា នៅពេលណាដែលរថយន្ត A8 ប្រភេទប្រណិតលំដាប់ខ្ពស់នឹងមកដល់នោះទេ ។ ប៉ុន្តែវាត្រូវបានគេរំពឹងថា នឹងបង្ហាញខ្លួននៅពេលខាងមុខ ដែលអាចស្ថិតក្នុងកំឡុងឆ្នាំ២០២១ ៕
កែសម្រួលដោយ ៖ សំណាង
ចែករំលែកព័តមាននេះ