តាមប្រភពព័ត៌មាន Marca បានឱ្យដឹងថា កីឡាករជើងខ្លាំងរបស់ក្លិបអ្នកមានបារាំងបានមកហ្វឹកហាត់សម្រាប់ក្រុមជម្រើសជាតិប្រេស៊ីលជាមួយនឹងឧទ្ធម្ភាគចក្រផ្ទាល់ខ្លួនម៉ូដែល H-145 ដែលមានតម្លៃដល់ទៅ១៤លានដុល្លារកន្លះ ។
ឧទ្ធម្ភាគចក្រនោះមានប្រវែង១៣.៦៤ម៉ែត្រ និងកម្ពស់៣.៩៥ម៉ែត្រ ដែលវាត្រូវបានផលិតដោយក្រុមហ៊ុន Mercedes-Benz ក្នុងតម្លៃ១៤លានដុល្លារកន្លះ ។ វាមានពណ៌ខ្មៅ និងមានសរសេរអក្សរជាពណ៌ស ថា PP- NJR ដែលជាឈ្មោះកាត់របស់ Neymar Jr. ។ វាមានល្បឿនហោះលើអាកាស២៤៨គីឡូម៉ែត្រក្នុងមួយម៉ោង ។
Neymar ក៏មានយន្តហោះផ្ទាល់ខ្លួនមួយទៀតដែលមានតម្លៃ១៣លានដុល្លារកន្លះ សម្រាប់ប្រើប្រាស់ក្នុងការធ្វើដំណើរផ្លូវឆ្ងាយ ។ ការធ្វើដំណើរតាមឧទ្ធម្ភាគចក្រលើកនេះ គឺដើម្បីមកត្រៀមខ្លួនសម្រាប់ក្រុមជម្រើសជាតិ មុនពេលការប្រកួត Copa America ឆ្នាំ២០១៩ នៅខែមិថុនាខាងមុខ នៅប្រេស៊ីល៕ កែសម្រួលដោយ ៖ សុឃាក់
ចែករំលែកព័តមាននេះ