រាជធានីភ្នំពេញ ៖ នៅចំពោះមុខសមត្ថកិច្ច នារីសង្ស័យទាំងពីរបានបានសារភាពថា ពួកគេបានធ្វើចរាចរណ៍គ្រឿងញៀនខនេះ រយៈជាងមួយខែមកហើយ ដោយមួយថ្ងៃ ពួកគេលក់ចេញយ៉ាងទាបបំផុត២គីឡូក្រាម ។ ចម្លើយសារភាពបន្តទៀតថា…
រាជធានីភ្នំពេញ ៖ នៅចំពោះមុខសមត្ថកិច្ច នារីសង្ស័យទាំងពីរបានបានសារភាពថា ពួកគេបានធ្វើចរា
ចរណ៍គ្រឿងញៀនខនេះ រយៈជាងមួយខែមកហើយ ដោយមួយថ្ងៃ ពួកគេលក់ចេញយ៉ាងទាបបំផុត២គីឡូក្រាម ។ ចម្លើយសារភាពបន្តទៀតថា គ្រឿងញៀនរាប់គីឡូនេះ ដែលពួកគេបានយកមកលក់ និងចែកចាយនៅលើទីផ្សារងងឹតក្នុងរាជធានីភ្នំពេញនេះ គឺបានទិញបន្តពីមនុស្សម្នាក់យកមកលក់ឱ្យ ដែលមនុស្សម្នាក់នោះ ពួកគេមិនបានស្គាល់ឈ្មោះ និងអាសយដ្ឋានច្បាស់លាស់ទេ ។
គួរបញ្ជាក់ថា នារីសង្ស័យជាជនជាតិខ្មែរ-ឥស្លាមទាំងពីរនាក់ រួមនិងថ្នាំញៀនប្រភេទមេតំហ្វេតាមីនICE ជាង៧គីឡូក្រាម និងសម្ភារវេចខ្ចប់មួយចំនួនផង ត្រូវបានមន្ទីរប្រឆាំងគ្រឿងញៀននៃអគ្គស្នងការនគរបាលជាតិឃាត់បាន ហើយនៅព្រឹកថ្ងៃទី២៨ ឧសភា នេះ ក៏បាននាំមកបង្ហាញខ្លួនខណៈថ្នាំញៀនទាំងមានតម្លៃជិត១០ម៉ឺនដុល្លារសហរដ្ឋអាមេរិកឯណោះ ។ នារីសង្ស័យទាំង២នាក់ ម្នាក់ឈ្មោះ ហ៊ីម ពៅ អាយុ២៥ឆ្នាំ ទីលំនៅបច្ចុប្បន្ន ផ្ទះលេខ៣៦H ផ្លូវ៩៣ ភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ និងម្នាក់ទៀតឈ្មោះ ហ៊ីម ជុ អាយុ៣១ឆ្នាំ មានទីលំនៅជាមួយគ្នា ។
លោកវរសេនីយ៍ឯក យិន បញ្ញារិទ្ធ បានឱ្យដឹងថា ក្រោយពីមានបទបញ្ជាពីលោកនាយឧត្តមសេនីយសន្តិ
បណ្ឌិត នេត សាវឿន អគ្គស្នងការនគរបាលជាតិ និងមានការសហការពីប្រជាពលរដ្ឋផងនោះ ក៏ត្រូវនគរបាលនៃមន្ទីរប្រឆាំងគ្រឿងញៀន បានស៊ើបអង្កេតអស់រយៈពេល១ខែ ទើបឈានដល់ឃាត់ខ្លួនស្ត្រីទាំង២នាក់ និងគ្រឿងញៀនជាង៧គីឡូក្រាមនេះ កាលពីថ្ងៃទី២៦ ឧសភា ត្រង់ចំណុចផ្លូវ៩៣ ភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។
ទាក់ទិនការបង្ក្រាបគ្រឿងញៀនលោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនបានឲ្យដឹងដែរថា ករណីខាងលើនេះ សមត្តកិច្ចយើងបានធ្វើការស្រាវជ្រាវ និងបង្ក្រាបចាប់ខ្លួននៅផ្ទះជនសង្ស័យតែម្តង ដែលពួកគេរក្សាទុកក្នុងគោលបំណងយកទៅលក់ និងចែកចាយបន្តទៀត ។
យ៉ាងណាក្តី ស្ត្រីសង្ស័យទាំងពីរនាក់ និងថ្នាំញៀនជាង៧គីឡូក្រាមដែលចាប់នៅក្នុងមូលដ្ឋានសង្កាត់ទួលសង្កែ ខណ្ឌប្ញស្សីកែវ កសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញហើយ ។ (សម្រួលដោយ៖ ស្រីណា)
ចែករំលែកព័តមាននេះ