រាជធានីភ្នំពេញ ៖ សម្តេចហេង សំរិន ប្រធានរដ្ឋសភានៃព្រះរាជាណាចក្រកម្ពុជាបានដឹកនាំគណៈប្រតិភូជាន់ខ្ពស់រដ្ឋសភាកម្ពុជាបានអញ្ជើញបំពេញទស្សនកិច្ចជាផ្លូវការ និងមិត្តិភាពនៅសាធារណៈរដ្ឋសង្គមនិយមវៀតណាម និងសាធារណរដ្ឋប្រជាធិបតេយ្យប្រជាមានិតឡាវ ។ សម្តេចប្រធានរដ្ឋសភាបានចេញដំណើរនាព្រឹក ថ្ងៃទី២៨…
រាជធានីភ្នំពេញ ៖ សម្តេចហេង សំរិន ប្រធានរដ្ឋសភានៃព្រះរាជាណាចក្រកម្ពុជាបានដឹកនាំគណៈប្រតិភូជាន់ខ្ពស់រដ្ឋសភាកម្ពុជាបានអញ្ជើញបំពេញទស្សនកិច្ចជាផ្លូវការ និងមិត្តិភាពនៅសាធារណៈរដ្ឋសង្គមនិយមវៀតណាម និងសាធារណរដ្ឋប្រជាធិបតេយ្យប្រជាមានិតឡាវ ។ សម្តេចប្រធានរដ្ឋសភាបានចេញដំណើរនាព្រឹក ថ្ងៃទី២៨ ខែឧសភា ឆ្នាំ២០១៩ តមតាមការអញ្ជើញរបស់លោក ស្រី ង្វៀន ធីគីមងិន (NGUYEN THI NGAN) ប្រធានរដ្ឋសភានៃ សាធារណរដ្ឋសង្គមនិយមវៀតណាម និងលោកស្រី ផានី យ៉ាងថូទូ (PANY YATHOTOU) ប្រធានរដ្ឋសភានៃសាធារណរដ្ឋប្រជាធិបតេយ្យប្រជាមានិតឡាវ ។
សម្រាប់ដំណើរទស្សនៈកិច្ចរបស់គណៈប្រតិភូសភាកម្ពុជាសម្តេចហេង សំរិន នឹងដឹកនាំគណៈប្រតិភូជាន់ខ្ពស់សភាកម្ពុជាទៅបំពេញទស្សនកិច្ចជាផ្លូវការ និងមិត្តភាពនៅសាធារណរដ្ឋសង្គមនិយមវៀតណាមចាប់ពីថ្ងៃទី២៨ ដល់ថ្ងៃទី៣០ ខែឧសភា និងបន្តដំណើរទស្សនកិច្ចជាផ្លូវការ និងមិត្តភាពនៅសាធារណរដ្ឋប្រជាធិបតេយ្យ ប្រជាមានិតឡាវ ចាប់ពីថ្ងៃទី៣០ ឧសភា ដល់ថ្ងៃទី១ ខែមិថុនា ឆ្នាំ២០១៩ ។ នៅក្នុងដំណើរបំពេញទស្សនកិច្ចនៅប្រទេសវៀតណាម គណៈប្រតិភូសភានឹងចូលពិភាក្សាការងារទ្វេភាគី និងសម្តែងការគួរសមសំខាន់ៗរបស់ភាគីវៀតណាម ព្រមទាំងចូលរួមកម្មវិធីសំខាន់ៗមួយចំនួនដូចជា ជួបពិភាក្សាជាការងារទ្វេភាគីជាមួយលោកស្រី ង្វៀន ធីគីមងិន ប្រធានរដ្ឋសភានៃសាធារណរដ្ឋសង្គមនិយមវៀតណាម ។
ជួបជាមួយលោក ង្វៀន ភូជុង (NGUYEN PHUR TROUNG) អគ្គលេខាធិការមជ្ឈិមបក្សកុម្មុយនីស្តវៀតណាម និងជាប្រធានរដ្ឋវៀតណាម ។ ជួបជាមួយលោកង្វៀន ស៊ុនហ្វុក (NGUYEN XUAN PHUC) នាយរដ្ឋមន្ត្រីនៃសាធារណរដ្ឋសង្គមនិយមវៀតណាម ។ ជួបសវនាការ និងសម្តែងការគួរសមជាមួយលោកជិន ថាញ់មិន (TRAN THANH MAN) ប្រធានគណៈកម្មាធិការមជ្ឈិមរណសិរ្ស មាតុភូមិវៀតណាម ។ ក្នុងដំណើរទស្សនកិច្ចនោះដែរសម្តេចហេង សំរិន ក៏បានអនុញ្ញាតឲ្យលោក វ៉ុ ម៉ៅ (VU MAO) ប្រធានសមាគមមិត្តភាពវៀតណាម កម្ពុជា ចូលរួមសម្តែងការគួរសម ។
ទស្សនកិច្ចនៅវៀតណាមនេះដែរក៏មានការចុះហត្ថលេខាលើកឯកសារកិច្ចសហប្រតិបត្តិការរវាងរដ្ឋសភាអគ្គលេខាធិការដ្ឋានរដ្ឋសភានៃរដ្ឋសភាទាំងពីរផងដែរ ។ បន្ទាប់ពីទស្សនកិច្ចនៅវៀតណាម គណៈប្រតិភូសភាកម្ពុជាដែលដឹកនាំដោយសម្តេចហេង សំរិន ប្រធានរដ្ឋសភានឹងបន្តដំណើរទស្សនកិច្ចនៅប្រទេសឡាវ ។ ក្នុងដំណើរទស្សនកិច្ចនៅប្រទេសឡាវ គណៈប្រតិភូរដ្ឋសភាកម្ពុជា នឹងចូលរួមពិភាក្សាទ្វេភាគី និងសម្តែងការគួសមជាមួយថ្នាក់ដឹកនាំសំខាន់ៗរបស់ភាគីឡាវ និងចូលរួមកម្មវិធីសំខាន់មួយចំនួនដូចជា ជួបពិភាក្សាការងារទ្វេភាគីជាមួយ លោកស្រីផានី យ៉ាថទូ ប្រធានរដ្ឋសភានៃសាធារណរដ្ឋប្រជាធិបតេយ្យប្រជាមានិតឡាវ ។
ជួបសវនាការ និងសម្តែងការគួរសម ជាមួយលោក ប៊ុនញ៉ាំង វ៉ូវា់ជិត (BOUNHANG VORACHITH)ប្រធានាធិបតីនៃសាធារណ រដ្ឋប្រជាធិបតេយ្យប្រជា មានិតឡាវ ។ សម្រាប់ទស្សនកិច្ចនៅប្រទេសឡាវនោះដែរ គណៈប្រតិភូសភាកម្ពុជាក៏មានកិច្ចប្រជុំផ្លាស់ប្តូរបទពិសោធន៍រវាងអគ្គលេខាធិការដ្ឋសភាកម្ពុជា និងអគ្គលេខាធិការរដ្ឋសភាឡាវផងដែរ ។ បើតាមការប្រកាសរបស់អគ្គនាយករដ្ឋានរដ្ឋសភាកម្ពុជាបានឲ្យដឹងគណៈប្រតិភូសភាកម្ពុជា និងធ្វើមាតុភូមិនិវត្តន៍មកកាន់មាតុប្រទេសវិញ នៅរសៀលថ្ងៃទី១ ខែមិថុនា ឆ្នាំ២០១៩ ៕ កែសម្រួលដោយ ៖ សុឃាក់
ចែករំលែកព័តមាននេះ