ស្នាមខ្មៅក្រោមក្លៀកគឺជាកង្វល់សម្រាប់នារីគ្រប់រូប វាតែងតែកើតឡើងក្រោយពេលដែលអ្នកដករោមក្លៀករួច ។ សូមប្រាប់អ្នកពីវិធីបំបាត់មួយចំនួនដែលអាចជួយអ្នកបាន ។ 1.អ្នកអាចយកដំឡូងបារាំងចិតជាបន្ទះស្តើង បន្ទាប់មកយកមកជូតក្រោមក្លៀកបាន ។ 2.អ្នកអាចយកត្រសក់ ឬដំឡូងបារាំងទៅកិនឱ្យម៉ដ្ឋ…
ស្នាមខ្មៅក្រោមក្លៀកគឺជាកង្វល់សម្រាប់នារីគ្រប់រូប វាតែងតែកើតឡើងក្រោយពេលដែលអ្នកដករោមក្លៀករួច ។ សូមប្រាប់អ្នកពីវិធីបំបាត់មួយចំនួនដែលអាចជួយអ្នកបាន ។
1.អ្នកអាចយកដំឡូងបារាំងចិតជាបន្ទះស្តើង បន្ទាប់មកយកមកជូតក្រោមក្លៀកបាន ។
2.អ្នកអាចយកត្រសក់ ឬដំឡូងបារាំងទៅកិនឱ្យម៉ដ្ឋ ហើយលាយជាមួយទឹកក្រូចឆ្មារបន្តិច បន្ទាប់មកយកមកលាបក្រោមក្លៀករយៈពេលកន្លះម៉ោងទើបលាងចេញ ។
3.អ្នកក៏អាចយកក្រូចឆ្មារមកចិតឱ្យក្រាស់ ហើយយកមកជូតនៅក្រោមក្លៀកក៏បានដែរ បន្ទាប់មកលាងចេញ នោះវានឹងជួយឱ្យក្លៀកអ្នកស ។
4.អ្នកអាចយកទឹកដោះគោចំនួន២ស្លាបព្រា ទឹកដោះគោជូរចំនួន១ស្លាបព្រាលាយជាមួយម្សៅមី១ស្លាបព្រា បន្ទាប់មកយកមកលាប ហើយទុករយៈពេល១៥នាទីទើបលាងចេញ នោះស្បែកអ្នកនឹងទន់រលោង ។
5.អ្នកអាចយកទឹកខ្មេះលាយជាមួយម្សៅស្រូវអង្ករ ហើយយកមកលាបក្រោមក្លៀកចំនួន១០ទៅ១៥នាទី ទើបយកទឹកក្តៅ ឧណ្ហៗមកលាងវាចេញជាការស្រេច(ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ