តាមប្រភពព័ត៌មាន Goal បានឱ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi បានឈ្នះពានស្បែកជើងមាសឆ្នាំ២០១៩ ដែលជាលើកទី៦របស់ខ្លួន ក្រោយពីទទួលបានលទ្ធផលគ្រាប់បាល់ក្នុងរដូវកាលនេះ៣៦គ្រាប់ ដែលស្ថិតនៅលើកីឡាកររបស់ក្លិបអ្នកមានបារាំង Kylian Mbappe ។
Messi បានទទួលពាននេះបីឆ្នាំជាប់គ្នាហើយ ក្រោយពី Mbappe មិនមានសំណាងនៅកាលពីថ្ងៃសុក្រ ក្នុងការប្រកួតរបស់ PSG ។ Mbappe ត្រូវស៊ុតឱ្យបាន៥គ្រាប់នៅក្នុងវគ្គផ្តាច់ព្រ័ត្រលីគ១ របស់ PSG ដើម្បីអាចយកពានស្បែកជើងមាសបាន ។ តែរូបគេអាចរកបានត្រឹមតែមួយគ្រាប់ប៉ុណ្ណោះ ដែលធ្វើឱ្យគេមានគ្រាប់បាល់សរុបក្នុងរដូវកាលនេះ៣៣គ្រាប់ ។
រីឯគូប្រជែងម៉ឺនឆ្នាំរបស់ Messi កីឡាករ Cristiano Ronaldo វិញរកគ្រាប់បាល់ត្រឹមតែ២១គ្រាប់ប៉ុណ្ណោះ ដែលគេអាចចាត់ទុកជារដូវកាលអាក្រក់ជាងគេមួយរបស់កីឡាកររូបនេះ តាំងពីលេងនៅ Manchester United រដូវកាល 2008-09 មក ។ នេះ Ronaldo មិនត្រឹមតែនៅក្រោម Quagliarella, Duvan Zapata និង Krzysztof Piatek នោះទេ។ គេមិនទាំងស្ថិតនៅក្នុងចំណោម Top10 ផងដែរ ៕
ខាងក្រោមនេះគឺជាលំដាប់ថ្នាក់នៃចំនួនគ្រាប់របស់កីឡាករនីមួយៗ ៖
កែសម្រួលដោយ ៖ សំណាង
ចែករំលែកព័តមាននេះ