ខេត្តកំពត ៖ អាជ្ញាធរគ្រោងយករូបសំណាកតាឥសី និងរូបផ្សេងទៀតចេញពីរូងភ្នំកំពង់ត្រាច ។ នេះបើយោងតាមកិច្ចប្រជុំជាបន្ទាន់មួយកាលពីពេល ថ្មីៗកន្លងមកដោយមានការចូលរួមពីមន្ទីរវប្បធម៌ និងវិចិត្រសិល្បៈខេត្តកំពត មន្ត្រីមន្ទីរទេសចរណ៍ និងធម្មការស្រុក-ខេត្ត…
ខេត្តកំពត ៖ អាជ្ញាធរគ្រោងយករូបសំណាកតាឥសី និងរូបផ្សេងទៀតចេញពីរូងភ្នំកំពង់ត្រាច ។ នេះបើយោងតាមកិច្ចប្រជុំជាបន្ទាន់មួយកាលពីពេល ថ្មីៗកន្លងមកដោយមានការចូលរួមពីមន្ទីរវប្បធម៌ និងវិចិត្រសិល្បៈខេត្តកំពត មន្ត្រីមន្ទីរទេសចរណ៍ និងធម្មការស្រុក-ខេត្ត ។
កិច្ចប្រជុំនោះស្វែងរកដំណោះស្រ័យរឿងអ្នកយករូបសំណាកតាឥសី និងរូបមេទ័ពជិះសេះដាក់ក្នុងរូងភ្នំរមណីយដ្ឋានទេសចរណ៍កំពង់ត្រាច។ សមត្ថកិច្ចតម្រូវឲ្យអ្នកដាក់រូបសំណាកក្នុងរូងភ្នំយកទៅដាក់នៅក្នុងបរិវេណទីវត្តអារាមវិញ។
លោកឃឹម សាមី អភិបាលរងស្រុកកំពងត្រាច ឲ្យដឹងថា«ការដាក់រូបសំណាកតាឥសី និងរូបមេទ័ពជិះសេះនៅក្នុងរូងភ្នំ អាជ្ញាធរមិនបានដឹងទេ ។ ប្រជាពលរដ្ឋខ្មែរគ្រប់រូបសុទ្ធតែមានសិទ្ធិ និងមានជំនឿដែលខ្លួនជឿ ប៉ុន្តែភ្នំរមណីយដ្ឋាននោះ ខាងអាជ្ញាធរមិនអនុញ្ញាតឱ្យពលរដ្ឋណាយករូបអ្វីទៅដាក់មិនសមហេតុសមផលបានទេ »។
លោកងាណ សុខតូឡា អនុប្រធានមន្ទីរវប្បធរនិងវិចិត្រសិល្បៈខេត្តកំពត ឲ្យដឹងថារូប ផ្សេងៗដែលគេដាក់ក្នុងរូងភ្នំនោះមិនមានខុសអ្វីពីរចនាបថទេ តែខុសត្រង់ថាយកទៅដាក់ក្នុងរូងភ្នំជាកន្លែងទេសចរណ៍ ។ ដូច្នេះហើយលោកសំណូមពរឲ្យតំណាងអ្នកដាក់រូបទាំងនោះក្នុងរូងភ្នំយកចេញ ដោយយកទៅដាក់ក្នុងវត្តវិញ។
លោកស្រ៊ុន ភាព មន្ត្រីយោធាតំណាងអ្នកដាក់រូបសំណាក ថានឹងនាំពាក្យទៅប្រាប់ម្ចាស់រូបសំណាក តែត្រង់ព្រមរើចេញពីរូងភ្នំ ឬមិនរើមិនទាន់ដឹងទេ ព្រោះពេលដាក់តាំងរូបទាំងនោះបានធ្វើពិធីតាមជំនឿ ។ អាជ្ញាធរស្រុកកំពង់ត្រាចបាននិយាយថាបើគេមិនយកចេញទេខាងស្រុកមានគម្រោងយករូបសំណាកទាំងនោះចេញទៅដាក់កន្លែងផ្សេង ៕
ចែករំលែកព័តមាននេះ