រាជធានីភ្នំពេញ ៖ គ្រួសាររបស់កវីលោក ស្វាយ សំអឿ បានដាក់លិខិតទៅកាន់ក្រសួងវប្បធម៌និងវិចិត្រសិល្បៈ ដើម្បីរក្សាកម្មសិទ្ធិបញ្ញាបទចម្រៀង ដែលលោកបាននិពន្ធឲ្យអ្នកចម្រៀងជំនាន់មុនបានច្រៀង។ ការដាក់លិខិតទៅក្រសួងវប្បធម៌នេះ បានធ្វើឡើងក្រោមវត្តមានរបស់អ្នកស្រី…
រាជធានីភ្នំពេញ ៖ គ្រួសាររបស់កវីលោក ស្វាយ សំអឿ បានដាក់លិខិតទៅកាន់ក្រសួងវប្បធម៌និងវិចិត្រសិល្បៈ ដើម្បីរក្សាកម្មសិទ្ធិបញ្ញាបទចម្រៀង ដែលលោកបាននិពន្ធឲ្យអ្នកចម្រៀងជំនាន់មុនបានច្រៀង។ ការដាក់លិខិតទៅក្រសួងវប្បធម៌នេះ បានធ្វើឡើងក្រោមវត្តមានរបស់អ្នកស្រី ដុំ សុផានី ដែលជាភរិយាកវី ស្វាយ សំអឿ នៅថ្ងៃទី២៧ ខែឧសភា ឆ្នាំ២០១៩ បន្ទាប់ពីបទចម្រៀងមរតកដើមរបស់លោក ស៊ិន ស៊ីសាមុត លោកកវីគង្គ ប៊ុនឈឿន ក៏បានធ្វើរឿងនេះដូចគ្នា។
បើតាមការប្រកាសរបស់លោក សេង ដារ៉ា ដែលជាអ្នកស្រាវជ្រាវចម្រៀងមរតកដើម និងជាអ្នករួមដំណើរជាមួយភរិយារបស់លោក ស្វាយ សំអឿ មកដាក់លិខិតនៅក្រសួងនោះបានប្រកាសតាមបណ្តាញសង្គមហ្វេសប៊ុករបស់លោកថា លោក និងអ្នកស្រី ដុំ សុផានី ភរិយាលោក ស្វាយ សំអឿ បានមកក្រសួងវប្បធម៌ដើម្បីដាក់លិខិតរក្សា «កម្មសិទ្ធិបញ្ញាបទចម្រៀង»ដែលស្វាមីគាត់បាននិពន្ធជូនអ្នកចម្រៀងជំនាន់មុនច្រៀង ។
លោក សេង ដារ៉ា បញ្ជាក់ថា លោកអ៊ុំ (ភរិយាលោក ស្វាយ សំអឿ) មានវ័យចំណាស់ជាង៧០ឆ្នាំប្លាយហើយ ជំងឺក៏រួមរឹត គ្មានកូនចៅនឹងគេ រស់នៅតែម្នាក់ឯងនៅស្រុកកងមាស ខេត្តកំពង់ចាម ។
បើតាមលោក សេង ដារ៉ា ថា ចំពោះការដាក់លិខិតមកក្រសួងពាក់ព័ន្ធទៅនឹងកម្មសិទ្ធិបញ្ញានេះ លោកក៏មិនប្រាកដថាអាចជួយគាត់បានប៉ុន្មានដែរ ។ ហើយបទចម្រៀងដែលអ្នកស្រី ដុំ សុផានី បានដាក់ស្នើសុំទៅក្រសួងសុំកម្មសិទ្ធិបញ្ញានាពេលនេះមានបទ ៖
១-រថយន្តថ្មី សាមុត-ប៉ែន រ៉ន (ស្ម័គ្របងដែរឬអូនស្រី?) ២-កុំឆ្លើយថាទេ( សាមុត-ប៉ែន រ៉ន) ៣-ចៅដក (សាមុត-សទ្ធា) ៤ -ខ្យងក្តក់ (សាមុត ) ៥ -គេងមកបង (នូវ ណារិន) ៦-កងកម្មកងកែវ (សាមុត) ៧-ចន្ទស្នេហ៍តែមួយ (សាមុត) ៨-ស្រមោលអក្ខរា (សាមុត )។
៩–វាសនាចៅចិត្រ (សាមុត ) ១០-ក្បូនកាកី (សាមុត-សុទ្ធា) ១១-សំណៅកាកី (សាមុត) ១២-សេកនិងបញ្ចពណ៌ (សាមុត-សុទ្ធា) ១៣-ទំនួញនាងសក់ក្រអូប (សុទ្ធា) ១៤-កាលណាផ្ការីក (សាមុត-ប៉ែន រ៉ន) ១៥-ព្យុះកម្មព្យុះចិត្ត (សាមុត-ប៉ែន រ៉ន)។
១៦-សម្ផស្សចន្ទគ្រឿហ្វា (សាមុត-ប៉ែន រ៉ន) ១៧-ពុះទ្រូង( ប៉ែន រ៉ន ) ១៨-ស្ទឹងកែវ (សាមុត) ១៩-ពេលអូនឃ្លាតទៅ (សាមុត) ២០-ស្មានចិត្តមិនត្រូវ (សាមុត) ២១-ចម្រៀងទុំទាវ (សាមុត-សុទ្ធា) ២២-ចម្រៀងនោនិងពេជ្រ (អុឹង ណារី-ប៉ែន រ៉ន) ។
២៣ -និស្ស័យកម្មព្រះមោគ្គលាន (សាមុត) ២៤ -រំដួលអង្គរ (សាមុត) ២៥-ស្រស់នេះស្រស់ឲ្យកម្លោះ (សាមុត) ២៦-សំណព្វចិត្ត (សាមុត) ២៧-ចំប៉ាកំពង់ប្រាក់ (សាមុត) ២៨-ពោះម៉ាយហ៊ឺហារ (សាមុត) ២៩ -ភុំភួងសម័យ (សាមុត) ៣០-កម្រងភួងថ្កុល (សាមុត) ៣១-រវើរវាយ (ប៉ែន រ៉ន) ៣២-ម្ចាស់ត្បូងកណ្តៀង (សុទ្ធា) ៣៣ -ម្ចាស់បរយីខា (សូ សាវឿន) និង៣៤ -កូនអ្នកណា ? (សាម៉ន-សូ សាវឿន)….៕ (កែសម្រួលដោយ ៖ បុប្ផា)
ចែករំលែកព័តមាននេះ