រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា បុរសចំណាស់ម្នាក់សង្ស័យលោតពីលើអគារមន្ទីរពេទ្យមិត្តភាពខ្មែរ-សូវៀតជាន់ទី៤ បណ្តាលឱ្យស្លាប់បាត់បង់ជីវិតយ៉ាងអាណោចអាធ័ម ខណៈត្រូវបានគេដឹងថាជនរងគ្រោះមកបើកថ្នាំនោះ។ ហេតុការណ៍ខាងលើនេះបានបង្កឱ្យមានការភ្ញាក់ផ្អើលកាលពីព្រឹកថ្ងៃទី២៧ ឧសភា ឆ្នាំ២០១៩ ស្ថិតក្នុងមន្ទីរពេទ្យមិត្តភាពខ្មែរ-សូវៀត…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា បុរសចំណាស់ម្នាក់សង្ស័យលោតពីលើអគារមន្ទីរពេទ្យមិត្តភាពខ្មែរ-សូវៀតជាន់ទី៤ បណ្តាលឱ្យស្លាប់បាត់បង់ជីវិតយ៉ាងអាណោចអាធ័ម ខណៈត្រូវបានគេដឹងថាជនរងគ្រោះមកបើកថ្នាំនោះ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកាលពីព្រឹកថ្ងៃទី២៧ ឧសភា ឆ្នាំ២០១៩ ស្ថិតក្នុងមន្ទីរពេទ្យមិត្តភាពខ្មែរ-សូវៀត តាមបណ្តោយផ្លូវ២៧១ សង្កាត់ទំនប់ទឹក ខណ្ឌចំការមន ។
បុរសរងគ្រោះដែលស្លាប់ខាងលើមិនត្រូវបានស្គាល់អត្តសញ្ញាណឡើយ មានអាយុជិត៦០ឆ្នាំ ។
តាមប្រភពពីស្ត្រីម្នាក់ដែលនៅម្តុំកន្លែងកើតហេតុបានប្រាប់អោយដឹងថា មុនពេលកើតហេតុ ខណៈដែលគាត់កំពុងតែអង្គុយលេងនោះ ក៏ស្រាប់តែលាន់ឮ «ឌូក» លុះពេលគាត់ក្រឡេកមើលទៅ ស្រាប់តែឃើញបុរសចំណាស់ម្នាក់ដេកនៅលើដី ពេលនោះធ្វើអោយគាត់ភ័យយ៉ាងខ្លាំង ។
តាមប្រភពដដែលបានប្រាប់បន្តទៀតថា បុរសរងគ្រោះបានមកបើកថ្នាំនៅអគារមន្ទីរពេទ្យជាន់ទី៤ ហើយបុរសរងគ្រោះដើរនិយាយទូរស័ព្ទចុះឡើងៗ ក៏ស្រាប់តែធ្លាក់មកដីស្លាប់បែបនេះតែម្តង ។
ក្រោយពេលកើតហេតុ ភ្លាមៗនោះក្រុមគ្រូពេទ្យហាមមិនអោយនរណាម្នាក់ថតរូបនោះទេ ហើយគេក៏ឃើញមានប្រពន្ធ និងកូនរបស់បុរសរងគ្រោះមកដល់ និងយករថយន្តពេទ្យដឹកសពជនរងគ្រោះចេញពីមន្ទីរពេទ្យបាត់ទៅ ។
ពាក់ពន្ធ័ទៅនឹងករណីខាងលើនេះ គេមិនទាន់បានដឹងពីមូលហេតុច្បាស់នៅឡើយទេ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ