ក្រុមហ៊ុនផលិតរថភ្លើងដឹកទំនិញឈានមុខគេរបស់ប្រទេសចិនបានបង្ហាញរថភ្លើងគំរូមួយដែលនឹងដឹកអ្នកដំណើរក្នុងល្បឿនរហូតដល់ទៅ ៦០០ គីឡូម៉ែត្រក្នុងមួយម៉ោង ។ ទូរទស្សន៍ CNN បានរាយការណ៍ថា រថភ្លើងដែលត្រូវបានអភិវឌ្ឍដោយក្រុមហ៊ុនសាជីវកម្មរថភ្លើងផ្លូវដែកចិន (CRRC) ដែលជាក្រុមហ៊ុនរបស់រដ្ឋនោះនឹងឈានដល់ដំណាក់កាលសាកល្បងមួយមុនពេលផលិតកម្មពេញលេញត្រូវបានគេរំពឹងថានឹងចាប់ផ្តើមនៅឆ្នាំ…
ក្រុមហ៊ុនផលិតរថភ្លើងដឹកទំនិញឈានមុខគេរបស់ប្រទេសចិនបានបង្ហាញរថភ្លើងគំរូមួយដែលនឹងដឹកអ្នកដំណើរក្នុងល្បឿនរហូតដល់ទៅ ៦០០ គីឡូម៉ែត្រក្នុងមួយម៉ោង ។
ទូរទស្សន៍ CNN បានរាយការណ៍ថា រថភ្លើងដែលត្រូវបានអភិវឌ្ឍដោយក្រុមហ៊ុនសាជីវកម្មរថភ្លើងផ្លូវដែកចិន (CRRC) ដែលជាក្រុមហ៊ុនរបស់រដ្ឋនោះនឹងឈានដល់ដំណាក់កាលសាកល្បងមួយមុនពេលផលិតកម្មពេញលេញត្រូវបានគេរំពឹងថានឹងចាប់ផ្តើមនៅឆ្នាំ ២០២១ ។
សារព័ត៌មាន theverge បានផ្សាយថា ល្បឿន ៦០០ គីឡូម៉ែត្រក្នុងមួយម៉ោងពិតជាលឿនខ្លាំងណាស់ដូច្នេះវាអាចអនុញ្ញាតឱ្យរថភ្លើងដឹកអ្នកដំណើរពីទីក្រុងប៉េកាំង ទៅ សៀងហៃ ក្នុងរយៈពេលតែ ៣ ម៉ោងកន្លះប៉ុណ្ណោះ នេះបើយោងតាមការឱ្យដឹងពីលោក Ding Sansan អនុប្រធានវិស្វកររបស់ CRRC ។
បច្ចុប្បន្នប្រទេសចិនមានសេវារថភ្លើងពាណិជ្ជកម្មលឿនបំផុតរបស់ពិភពលោកដែលមានល្បឿនលឿនបំផុតគឺ ៤៣១ គីឡូម៉ែត្រក្នុងមួយម៉ោង នៅលើចម្ងាយផ្លូវ ៣០ គីឡូម៉ែត្រពីអាកាសយានដ្ឋាន ទៅមជ្ឈមណ្ឌលទីក្រុងសៀងហៃ ៕
កែសម្រួលដោយ ៖ សំណាង
ចែករំលែកព័តមាននេះ