ចិនលើកលែងពន្ធ អាហារសមុទ្រវៀតណាម៣៣ប្រភេទ…
សមាគមនាំចេញ និងផលិតអាហារសមុទ្រវៀតណាម (VASEP) បាននិយាយថា ប្រទេសចិនបានលើកលែងពន្ធលើការនាំចេញគ្រឿងសមុទ្ររបស់វៀតណាមចំនួន៣៣ប្រភេទ ។ ផលិតផលនេះ រួមមាន បង្កង បង្គាខ្លា…
សមាគមនាំចេញ និងផលិតអាហារសមុទ្រវៀតណាម (VASEP) បាននិយាយថា ប្រទេសចិនបានលើកលែងពន្ធលើការនាំចេញគ្រឿងសមុទ្ររបស់វៀតណាមចំនួន៣៣ប្រភេទ ។ ផលិតផលនេះ រួមមាន បង្កង បង្គាខ្លា…
សមាគមនាំចេញ និងផលិតអាហារសមុទ្រវៀតណាម (VASEP) បាននិយាយថា ប្រទេសចិនបានលើកលែងពន្ធលើការនាំចេញគ្រឿងសមុទ្ររបស់វៀតណាមចំនួន៣៣ប្រភេទ ។ ផលិតផលនេះ រួមមាន បង្កង បង្គាខ្លា បង្គាសមុទ្រ ត្រីសមុទ្រ គ្រំ មឹក បង្កង ត្រីបាសា ត្រីធូណា និងមឹកពីងពាង…។
អង្គភាពអាជីវកម្មវៀតណាមជាង១៥០ បាននាំចេញផលិតផលអាហារសមុទ្រ ទៅប្រទេសចិន ដែលក្នុងនោះ មានសហគ្រាសមឹក និងត្រីបាសាចំនួន៤៥កន្លែង និងសហគ្រាសនាំចេញបង្គាប្រមាណ៥០កន្លែង ក្នុងចំណោមសហគ្រាសអាហារសមុទ្រដទៃទៀត បើយោងតាម VASEP ។
ប្រទេសចិនបានបន្ធូរបន្ថយគោលនយោបាយនាំចូលរបស់ខ្លួនវៀតណាមត្រូវបានគេរំពឹងថា នឹងបង្កើនការនាំចេញរបស់ខ្លួនទៅកាន់ទីផ្សារ ដែលមានប្រជាជនច្រើនបំផុតលើពិភពលោក ។ ប្រទេសចិនត្រូវបានគេចាត់ទុកថាជាទីផ្សារដ៏សំខាន់បំផុត សម្រាប់អាហារសមុទ្ររបស់វៀតណាម ដោយមានតម្លៃនាំចេញជាមធ្យមពីវៀតណាម ទៅចិនឈានដល់ជាង១ពាន់លានដុល្លារក្នុងមួយឆ្នាំ។
យោងតាមសមាគមបានឱ្យដឹងថា នៅឆ្នាំ២០១៧ តម្លៃនាំចេញគ្រឿងសមុទ្ររបស់វៀតណាមទៅកាន់ប្រទេសចិន បានកើនឡើងជិត៥០% ពីមួយឆ្នាំទៅមួយឆ្នាំរហូតដល់១.៣ពាន់លានដុល្លារ។
លោក Truong Dinh Hoi អគ្គលេខាធិការ VASEP បាននិយាយថា ឧស្សាហកម្មនេសាទមានគោលដៅនាំចេញផលិតផលអាហារសមុទ្រជាង១.៥ពាន់លានដុល្លារនៅឆ្នាំនេះ ទៅប្រទេសចិនដែលតម្រូវគ្រឿងសមុទ្រកំពុងកើនឡើង។
ខេត្តធំៗ នៅក្នុងប្រទេសចិន មានការព្រួយបារម្ភអំពីសកម្មភាពជួញដូរដោយផ្ទាល់ជាមួយក្រុមហ៊ុនអាហារសមុទ្រវៀតណាម ជំនួសឱ្យការទិញតាមរយៈអន្តរការី ។ខណៈដែលពាណិជ្ជកម្មអេឡិចត្រូនិចនៅក្នុងប្រទេសចិន កំពុងរីកចម្រើនយ៉ាងឆាប់រហ័សផលិតផលអាហារសមុទ្រវៀតណាមជាច្រើនប្រភេទត្រូវបានគេណែនាំលើវេទិកាពាណិជ្ជកម្មអេឡិចត្រូនិច ។ (សម្រួលដោយ៖ ស្រីណា)
ចែករំលែកព័តមាននេះ