បុរសម្នាក់ត្រូវគេលបប្រហារលិង្គ…ពេលស្រវឹងមិនដឹងខ្លួន
តាមប្រភពព័ត៌មាន Metro បានឱ្យដឹងថា បុរសម្នាក់បានប្រញាប់ប្រញាល់មកមន្ទីរពេទ្យ ក្រោយពេលដឹងថា លិង្គរបស់ខ្លួនត្រូវបានគេលួចកាត់ ពេលដេកលក់ដោយសារស្រវឹងស្រាខ្លាំងពេក ។ លោក Tan…
តាមប្រភពព័ត៌មាន Metro បានឱ្យដឹងថា បុរសម្នាក់បានប្រញាប់ប្រញាល់មកមន្ទីរពេទ្យ ក្រោយពេលដឹងថា លិង្គរបស់ខ្លួនត្រូវបានគេលួចកាត់ ពេលដេកលក់ដោយសារស្រវឹងស្រាខ្លាំងពេក ។ លោក Tan Nan អាយុ៤៤ឆ្នាំ ដែលបានផឹកស្រាស្រវឹងជ្រុល ពេលទៅដើរលេងជាមួយនឹងមិត្តភក្តិ នៅ Hunan ប្រទេសចិន ក៏ដេកលក់នៅតាមផ្លូវ ។
ពេលក្រោកពីដេកវិញ គាត់ក៏មានអារម្មណ៍ឈឺចាប់ នៅផ្នែកខាងក្រោមយ៉ាងខ្លាំង ហើយក៏បើកភ្នែកមកឃើញលិង្គរបស់ខ្លួន ត្រូវបានគេកាត់ដាច់ នៅតែស្បែកជាប់នឹងប្រដាប់បន្តិច ជាមួយនឹងឈាមហូរជោក
ជាំ។ គាត់ក៏ស្ទុះទៅមន្ទីរពេទ្យជាបន្ទាន់ តែគ្មានមន្ទីរពេទ្យណាអាចជួយបានឡើយ ដោយសារតែការដាច់នេះ គឺដាច់ជ្រុលពេក ។
ចុងក្រោយ មន្ទីរពេទ្យ Changsha បានសម្រេចចិត្តធ្វើការតលិង្គជូន ក្រោមការធ្វើឡើងរបស់វេជ្ជបណ្ឌិតខាងវះកាត់សរសៃឈាមល្អិតៗ។ ក្រោយការវះកាត់អស់រយៈពេល៧ម៉ោងយ៉ាងសស្រាក់សស្រាំ លោក Nan ក៏បានដឹងខ្លួនវិញ ហើយលិង្គក៏បានដេរភ្ជាប់បានសម្រេច។
គ្រូពេទ្យថា ចរន្តឈាមហូរទៅមកមានសភាពល្អ តែនៅមិនទាន់ដឹងថា លិង្គនោះអាចរឹង ឬ អាចបង្ហូរនោមបានដែរ ឬអត់។ បុគ្គលផ្ទាល់មិនបានដឹងថា នរណាម្នាក់ជាអ្នកលួចកាត់នោះទេ។ ប៉ូលិសពេលនេះ កំពុងតែធ្វើការស៊ើបអង្កេត ហើយប្រាប់ថា អ្នកជំងឺមិនទាន់ដឹងខ្លួនច្បាស់លាស់ សម្រាប់ការឆ្លើយនឹងសំណួរនៅឡើយទេ ។ (សម្រួលដោយ៖ ស្រីណា)
ចែករំលែកព័តមាននេះ