ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា ផ្ទះ២ខ្នងត្រូវអគ្គិភ័យលេបត្របាក់ឆេះអស់គ្មានសល់ ខណៈដែលម្ចាស់មិនបាននៅផ្ទះ ហេតុការណ៍កើតឡើង កាលពីនេលាម៉ោង០៨ និង៤៥នាទីព្រឹកថ្ងៃទី២៥ ឧសភា នេះ…
ខេត្តកំពង់ឆ្នាំង ៖ សេចក្តីរាយការណ៍ឱ្យដឹងថា ផ្ទះ២ខ្នងត្រូវអគ្គិភ័យលេបត្របាក់ឆេះអស់គ្មានសល់ ខណៈដែលម្ចាស់មិនបាននៅផ្ទះ ហេតុការណ៍កើតឡើង កាលពីនេលាម៉ោង០៨ និង៤៥នាទីព្រឹកថ្ងៃទី២៥ ឧសភា នេះ ស្ថិតក្នុងភូមិទ័ពត្បែង ឃុំពង្រ ស្រុករលាប្អៀរ ។
សមត្ថកិច្ចនគរបាលមូលដ្ឋានបានឱ្យដឹងថា ផ្ទះរងគ្រោះខាងលើ ជាកម្មសិទ្ធិរបស់ឈ្មោះជួន ផល្លា មាន ប្រពន្ធ ឈ្មោះហៃ គឹមស៊ី ជាគ្រូហោរាទស្សន៍ទាយ និងព្យាបាលជំងឺតាមលក្ខណៈបុរាណ ។ ផ្ទះរងគ្រោះខាងលើ ជាប្រភេទផ្ទះឈើ២ខ្នង ប្រក់ស័ង្កសី មានទំហំប្រមាណ ៧គុណនឹង៧ម៉ែត្រ ។
ប្រភពបន្តថា ចំពោះមូលហេតុ គេមិនទាន់ដឹងនៅឡើយទេ ប៉ុន្តែតាមការសង្ស័យ គឺបណ្ដាលមកពីម្ចាស់ផ្ទះដុតធូបទុកចោលនៅកន្លែងអាសនៈ ។ ប្រភពដដែលបញ្ជាក់ថា មុនពេលកើតហេតុ ម្ចាស់ផ្ទះបានស្រោចទឹកព្យាបាលអ្នកជំងឺម្នាក់ រួចក៏រៀបចំចេញដំណើរទៅលេងកម្សាន្តនៅឯទឹកធ្លាក់ច្រកល្អៀង ខេត្តពោធិ៍សាត់ ដោយទុកម្តាយចាស់អាយុប្រមាណ៨០ឆ្នាំនៅចាំផ្ទះ ។
លុះក្រោយមកប្រមាណជាង១ម៉ោង ទើបកើតអគ្គិភ័យឆាបឆេះផ្ទះនេះ បង្កការភ្ញាក់ផ្អើលតែម្តង ។ ក្នុងហេតុការណ៍នេះ មិនមានអ្នកណាម្នាក់គ្រោះថ្នាក់នោះទេប៉ុន្តែ ផ្ទះ២ខ្នង ម៉ូតូ៣គ្រឿង គោយន្ត១គ្រឿង និងទ្រព្យសម្បត្តិជាច្រើន ត្រូវភ្លើងខ្ទេចទាំងស្រុង ។ (សម្រួលដោយ៖ ស្រីណា)
ចែករំលែកព័តមាននេះ