រាជធានីភ្នំពេញ ៖ លោក វ៉ាង យ៉ាជុន អនុរដ្ឋមន្ត្រីក្រសួងទំនាក់ទំនងអន្តរជាតិនៃសាធារណរដ្ឋប្រជាមានិតចិន មានប្រសាសន៍ថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជានាពេលនេះ គឺដើម្បីជំរុញនិងធ្វើរាល់កិច្ចការទាំងឡាយ ដែលថ្នាក់ដឹកនាំកំពូលគឺសម្ដេចតេជោនាយករដ្ឋមន្ត្រី…
រាជធានីភ្នំពេញ ៖ លោក វ៉ាង យ៉ាជុន អនុរដ្ឋមន្ត្រីក្រសួងទំនាក់ទំនងអន្តរជាតិនៃសាធារណរដ្ឋប្រជាមានិតចិន មានប្រសាសន៍ថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជានាពេលនេះ គឺដើម្បីជំរុញនិងធ្វើរាល់កិច្ចការទាំងឡាយ ដែលថ្នាក់ដឹកនាំកំពូលគឺសម្ដេចតេជោនាយករដ្ឋមន្ត្រី ហុ៊ន សែន និងលោកប្រធានាធិបតី ស៊ី ជីងពីង បានចុះហត្ថលេខាជាមួយគ្នាកន្លងមក ។
លោក អ៊ាង សុផល្លែត ជំនួយការសម្ដេចតេជោ ហ៊ុន សែន បានប្រាប់ឲ្យដឹងថា លោក វ៉ាង យ៉ាជុន បានមានប្រសាសន៍បែបនេះក្នុងឱកាសចូលជួបពិភាក្សាជាមួយសម្ដេចតេជោនា យករដ្ឋមន្ត្រី ហ៊ុន សែន កាលពីព្រឹកថ្ងៃទី២៤ ខែឧសភា នៅវិមានសន្តិភាព ។
លោក វ៉ាង យ៉ាជុន បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីលោកប្រធានាធិបតី ស៊ី ជីងពីងលោកនាយករដ្ឋមន្ត្រី លី ខឺឈាង និងលោក សុង តាវ ជូនចំពោះសម្ដេចតេជោ ។ លោក វ៉ាង យ៉ាជុន មានប្រសាសន៍ថា កម្ពុជានិងចិនគឺជាមិត្តដែកថែប ហើយទំនាក់ទំនងរវាងកម្ពុជានិងចិននៅពេលនេះ គឺស្ថិតនៅលំដាប់ល្អជាទីបំផុត ។
អ្វីដែលបានចុះហត្ថលេខារួមគ្នាកន្លងមក នៅក្នុងវេទិកាខ្សែក្រវាត់និងផ្លូវនៅប្រទេសចិន គឺជំរុញទំនាក់ទំនងរវាងប្រទេសទាំងពីរឲ្យកាន់តែរឹងមាំថែមទៀត ហើយនាំមកជាមួយនូវ ផលប្រយោជន៍រួមសម្រាប់ប្រជាជននិងប្រទេសទាំងពីរសម្រាប់ការអភិវឌ្ឍ និងពង្រីកកិច្ចសហ ប្រតិបត្តិការរវាងប្រទេសទាំងពីរថែមទៀត ។
លោកអនុរដ្ឋមន្ត្រី បានជម្រាបជូនសម្តេចតេជោថា នៅពេលដែលលោកចុះពីយន្តហោះនៅព្រលានអន្តរជាតិភ្នំពេញ ហើយធ្វើដំណើរនៅក្នុងទីក្រុងភ្នំពេញ លោកសង្កេតឃើញថាភ្នំពេញជាទីក្រុងមួយដែលមានភាពរស់រវើក ស្អាតប្រិមប្រិយ ហើយក៏មានសក្តានុពលយ៉ាងច្រើន។
លោកបានជម្រាបជូនសម្ដេចតេជោដែរថាលោកនឹងទៅធ្វើទស្សនកិច្ចនៅទីក្រុងព្រះសីហនុដើម្បីសិក្សាលើហេដ្ឋារចនាសម្ព័ន្ធសម្រាប់ការវិនិយោគនិងឧស្សាហកម្ម ពិចារណាធ្វើយ៉ាងណាដើម្បីឲ្យការវិនិយោគនិងហេដ្ឋារចនាសម្ព័ន្ធឧស្សាហកម្មនៅទីក្រុងព្រះសីហនុ មានការអភិវឌ្ឍប្រកបដោយចីរភាព ។
ចិននឹងបន្តជំរុញការវិនិយោគមកកាន់កម្ពុជា ហើយក៏ជំរុញការបើកទី ផ្សារមកកាន់កម្ពុជាផងដែរ ។ ចិននឹងបន្តជួយដល់កម្ពុជាលើគ្រប់វិស័យ ។ ជាការឆ្លើយតប សម្ដេចតេជោបានថ្លែងអំណរគុណចំពោះការផ្ដាំផ្ញើសួរសុខទុក្ខពីសំណាក់ លោកប្រធានាធិបតី ស៊ី ជីនពីង លោក លី ខឺ ឈាង និងលោក សុង តាវ ។ សម្ដេចក៏បានយល់ស្របទាំងស្រុងជាមួយនឹងការលើកឡើងរបស់លោក វ៉ាង យ៉ាជុន ពាក់ព័ន្ធនឹងទំនាក់ទំនងផង និងសក្តានុពលក្នុងការង្រីកកិច្ច សហប្រតិបត្តិការផង ។
ជាពិសេស ឈរលើឯកសារដែលបានចុះហត្ថលេខាដែលជាឯកសារប្រ វត្តិសាស្ត្រពាក់ព័ន្ធទៅនឹងសហគមន៍មួយ ជោគវាសនាមួយ ដែលបានចុះហត្ថលេខាកន្លងមក ។ ក្នុងឱកាសនោះ សម្ដេចតេជោក៏បានថ្លែងអំណរគុណចំពោះការជំរុញអ្នកវិនិយោគចិនមកកាន់កម្ពុជា និងការបើកចំហទីផ្សារដល់កសិផលនិងផលិតផលរបស់កម្ពុជាថែមទៀត ៕
ចែករំលែកព័តមាននេះ