រាជធានីភ្នំពេញ ៖ សេចក្តីរាយការណ៍បន្តឱ្យដឹង ម្តាយនិងកូនស្រីធ្វើសកម្មភាពសម្លាប់លើបុរសជាប្តី និងជាកូនប្រសារ គឺដំបូងកាប់រួចបានយកខ្សែភ្លើងនិងស្កុតមកចងដៃជើង ទើបយកកាំបិតមកចាក់សម្លាប់បន្ថែម ព្រោះខ្លាចតដៃពួកគេវិញ ។ គួរបញ្ជាក់ថា…
រាជធានីភ្នំពេញ ៖ សេចក្តីរាយការណ៍បន្តឱ្យដឹង ម្តាយនិងកូនស្រីធ្វើសកម្មភាពសម្លាប់លើបុរសជាប្តី និងជាកូនប្រសារ គឺដំបូងកាប់រួចបានយកខ្សែភ្លើងនិងស្កុតមកចងដៃជើង ទើបយកកាំបិតមកចាក់សម្លាប់បន្ថែម ព្រោះខ្លាចតដៃពួកគេវិញ ។ គួរបញ្ជាក់ថា ពេលនេះជនដៃដល់ទាំង២នាក់ (ម្តាយនិងកូនស្រី) ត្រូវបាននគរបាលខណ្ឌសែនសុខឃាត់ខ្លួន នាថ្ងៃទី២៥ ឧសភា នេះ ។
សេចក្តីរាយករណ៍បន្តថា ឃាតករទាំង២នាក់ ១-ឈ្មោះ គង់ ធីតា អាយុ៤៩ឆ្នាំ (ជាម្តាយ) មុខរបរនៅផ្ទះ ស្នាក់នៅផ្ទះលេខ២៣J ផ្លូវបេតុង ក្រុម៧៦ ភូមិ១៣ សង្កាត់ទន្លេបាសក់ ខណ្ឌចំការមន និង២-ឈ្មោះ ង៉ូយ សុម៉ារី អាយុ២០ឆ្នាំ ស្នាក់នៅបន្ទប់ជួលកន្លែងកើតហេតុលើផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។ ដោយឡែក ជនរងគ្រោះជាប្តីបានស្លាប់ មានឈ្មោះគឹម យ៉ត អាយុ២៩ឆ្នាំ ជាបុគ្គលិកក្រុមហ៊ុនឯកជនមួយ ។
បើតាមការសារភាពឃាតករទាំង២នាក់ថា គឺផ្តើមចេញពីទំនាស់រឿងលុយ រហូតឈានដល់រួមគំនិតគ្នាសម្លាប់តែម្តង ។ តាមការសារភាពដឹងទៀតថា ប្តី-ប្រពន្ធនេះបានរៀបការគ្នា កាលពីថ្ងៃទី២៦ មករា ឆ្នាំ ២០១៩ កន្លងមក ហើយបាននាំគ្នាមកជួលផ្ទះកើតហេតុស្នាក់ ។ លុះនៅម៉ោងប្រមាណ៩ព្រឹកថ្ងៃទី២៤ ឧសភា នារីប្រពន្ធឈ្មោះង៉ូយ សុម៉ារី បានសុំលុយប្តី១ម៉ឺនរៀល ហើយត្រូវប្តីមិនព្រម ក៏មានទំនាស់សម្តីបែកផ្សែង។ ខណៈនោះ ប្តីក៏បានប្រើហិង្សាចាប់ច្របាប់.កប្រពន្ធ (នារីដៃដល់) ។
ប្រភពបន្តថា ពេលនោះ នាងបានស្រែកហៅឱ្យម្តាយមកជួយ។ ភ្លាមនោះ ម្តាយឈ្មោះគឹម ធីតា ទាញកាន់កាំបិតតាំងបុ័ងតោ មកកាប់លើបុរសជាកូនប្រសារចំកញ្ចឹងកបណ្តាលឱ្យដួល ។ ដោយសារតែខ្លាចតដៃ ប្រពន្ធឈ្មោះ ង៉ូយ សុម៉ារី បានយកខ្សែភ្លើង និងស្កុតចងរុំដៃនិងជើងរួច យកកូនកាំបិតចាក់២កាំបិតថែមលើប្តីស្លាប់តែម្តង ។
តាមព័ត៌មានអោយដឹងថា បន្ទាប់ពីរួមគំនិតគ្នាកាប់និងចាក់សម្លាប់ហើយ ក៏បានចាក់សោផ្ទះ ហើយនាំទៅប្រាប់ឪពុកដែលជានគរបាល នាំាំខ្លួនពួកគេមកសារភាពតែម្តង ។ តាមព័ត៌មានបានឱ្យដឹងទៀតថា កន្លងមក បន្ទាប់ពីរៀបការរួច ២នាក់ប្តីប្រពន្ធតែងមានទំនាស់គ្នាណាស់ គឺភាគច្រើនគឺរឿងប្រចណ្ឌ ។ ខណៈប្រពន្ធសុំប្តីទៅចុះសំបុត្រអាពាហ៍ពិហាហ៍ តែប្តីមិនព្រមទៅ ហើយចេះតែគេចថា ចាំ២ឆ្នាំទៀតសិន។
ប្រភពបន្តថា នៅថ្ងៃទី២៣ ឧសភា នារីជាប្រពន្ធបានហៅម្តាយមកជួយមើលប្តីដែលមានជំងឺ តែមិននឹកស្មានថា កើតមានទំនាស់ឈានទៅកាប់សម្លាប់ប្តីបែបនេះ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ