ខេត្តពោធិ៍សាត់៖ សេចក្តីរាយការណ៍ឱ្យដឹងថា គោចំនួន៧ក្បាលក្នុងនោះមានញី៤ក្បាលបានងាប់ក្បែរៗគ្នា ឱ្យសោកស្តាយបំផុត នៅក្នុងហេតុការណ៍រន្ទះបាញ់ កើតឡើងកាលពីវេលាម៉ោង០៣ និង៣០នាទីរសៀលថ្ងៃទី២៤ ឧសភា ស្ថិតក្នុងភួមិសាន្តស ឃុំអន្សាចំបក់ ស្រុកក្រគរខេត្តពោធិ៍ ខណៈមានមេឃភ្លៀងមួយមេហើយហ្វូងគោទាំងនោះ កំពុងជ្រកក្រោមដើមឈើ ក្បែរខ្ទមអ្នកតាសាត់ ក៏រន្ទះបាញ់តែម្តង ។
សេចក្តីរាយការណ៍បន្តថា ម្ចាស់គោត្រូវបានស្គាល់ឈ្មោះប៉ែន ធឿន អាយុ៥៧ឆ្នាំ រស់នៅក្នុងភូមិ-ឃុំកើតហេតុខាងលើ ។ ជាមួយគ្នានោះ នៅឯស្រុកបាកានឯណោះវិញ ត្រូវបានអធិការនគរបាលស្រុកឱ្យ
ដឹងដែរថា ក៏មានផ្ទះប្រជាពលរដ្ឋចំនួន២ខ្នង បានប៉ើងដំបូងធ្លាក់ពីជើងតាង និង១ខ្នងទៀតប៉ើងដំបូលទាំងអស់ ចំណុចភូមិសំសាន្ត ឃុំតាលោ ដែលរងគ្រោះមាន២គ្រួសារ និងក្នុងឃុំបឹងបត់កណ្តោល មាន១គ្រួសារទៀ ។
ទោះបីជាយ៉ាងណា មិនមានមនុស្សបានរងគ្រោះថ្នាក់នោះទេ ។ សូមបងប្អូនមានការប្រុងប្រយ័ត្នចំពោះសុវត្ថិភាពខ្លួនឯង ។ (សម្រួលដោយ៖ ស្រីណា)
ព័ត៌មាននឹងផ្សាយជូនបន្ត ។
ចែករំលែកព័តមាននេះ