រាជធានីភ្នំពេញ ៖ សភាពាណិជ្ជកម្មកម្ពុជាបានលើកទឹកចិត្តឲ្យប្រទេសបេឡារុសវិនិយោគវិស័យកសិកម្មនៅកម្ពុជា និងបង្កើតរោងចក្រសម្រាប់ផលិតផងដែរ ។ ការលើកទឹកចិត្តនេះធ្វើ ឡើងក្នុងជំនួបពិភាក្សារវាងលោកឧញ្ញ៉ា លឹម ហេង អគ្គនាយករដ្ឋានសភាពាណិជ្ជកម្មកម្ពុជា…
រាជធានីភ្នំពេញ ៖ សភាពាណិជ្ជកម្មកម្ពុជាបានលើកទឹកចិត្តឲ្យប្រទេសបេឡារុសវិនិយោគវិស័យកសិកម្មនៅកម្ពុជា និងបង្កើតរោងចក្រសម្រាប់ផលិតផងដែរ ។ ការលើកទឹកចិត្តនេះធ្វើ ឡើងក្នុងជំនួបពិភាក្សារវាងលោកឧញ្ញ៉ា លឹម ហេង អគ្គនាយករដ្ឋានសភាពាណិជ្ជកម្មកម្ពុជា ជាមួយ Vlafimir Goshin ឯកអគ្គរដ្ឋទូតសាធារណរដ្ឋបេឡារុស ប្រចាំកម្ពុជា នៅថ្ងៃទី២៣ ខែឧសភា ឆ្នាំ២០១៩ នៅអគ្គនាយកដ្ឋានសភាពាណិជ្ជកម្មកម្ពុជា ។
យោងតាមបណ្តាញសង្គមរបស់សភាពាណិជ្ជកម្មកម្ពុជាបានឲ្យដឹងថា គោលបំណងនៃជំនួបនេះ គឺដើម្បីពិភាក្សាស្វែងយល់ពីសេដ្ឋកិច្ចនៅប្រទេសកម្ពុជា និងពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសទាំងពីរ ។ លោកឯកអគ្គរដ្ឋទូតបានលើកឡើងថា លោកនឹងដឹកនាំគណៈប្រតិភូប្រទេសបេឡារុសមកប្រទេសកម្ពុជា ដើម្បីសិក្សាស្វែងយល់ពីបរិយាកាសសេដ្ឋកិច្ចដោយផ្ទាល់ឲ្យបានកាន់តែច្បាស់លាស់ ។ ជាកិច្ចឆ្លើយតបលោកឧកញ៉ា លឹម ហេង បានសម្តែងការស្វាគមន៍យ៉ាងកក់ក្តៅ និងគាំទ្រយ៉ាងពេញទំហឹង ចំពោះការលើកឡើងរបស់លោក ឯកអគ្គរដ្ឋទូត ក្នុងការដឹកនាំធុរជនប្រទេសបេឡារុស មកកាន់ប្រទេសកម្ពុជា ។
លោកឧកញ៉ា ក៏បានលើកទឹកចិត្តឲ្យប្រទេសបេឡារុស វិនិយោគទៅលើវិស័យកសិកម្មដូចជា ការដាំដុះ និងការបង្កើតរោងចក្រនៅប្រទេសកម្ពុជា និងវិស័យទេសចរណ៍ដែលមានប្រាសាទ អង្គរវត្តដ៏ល្បីល្បាញ និងឆ្នេរសមុទ្រដ៏ស្រស់ស្អាតផងដែរ ដែលសុទ្ធតែជាវិស័យមានសក្តានុ ពលនៅប្រទេសកម្ពុជា ៕
ចែករំលែកព័តមាននេះ