រាជធានីភ្នំពេញ ៖ គណៈអភិបាលរាជធានីភ្នំពេញ ដឹកនាំដោយលោក ឃួង ស្រេង កាលពីរសៀលថ្ងៃទី២៣ ឧសភា បានបើកកិច្ចប្រជុំមួយជាមួយអាជ្ញាធរ និងកងកម្លាំងប្រដាប់អាវុធដើម្បីពង្រឹងឲ្យបាននូវសន្តិសុខសណ្តាប់ធ្នាប់នា…
រាជធានីភ្នំពេញ ៖ គណៈអភិបាលរាជធានីភ្នំពេញ ដឹកនាំដោយលោក ឃួង ស្រេង កាលពីរសៀលថ្ងៃទី២៣ ឧសភា បានបើកកិច្ចប្រជុំមួយជាមួយអាជ្ញាធរ និងកងកម្លាំងប្រដាប់អាវុធដើម្បីពង្រឹងឲ្យបាននូវសន្តិសុខសណ្តាប់ធ្នាប់នា ឱកាសបោះឆ្នោតនៅថ្ងៃទី២៦ ឧសភាខាងមុខនេះ អោយទទួលបានជោគជ័យ ។
លោកឃួង ស្រេង មានប្រសាសន៍ថា ដើម្បីអោយដំណើរការនៃការបោះឆ្នោតនេះដំណើរទៅបានល្អមានយុត្តិធម៌មានតម្លាភាព និងប្រជាធិបតេយ្យដាច់ខាត យើងត្រូវពង្រឹងលើការងារសន្តិសុខនេះហើយ ។ ដូច្នេះ កងកម្លាំងប្រដាប់អាវុធចំណុះអោយគណៈបញ្ជាការឯកភាពរាជធានីភ្នំពេញ និងអាជ្ញាធរទាំង១៤ខណ្ឌ ត្រូវតែពង្រឹងសន្តិសុខសម្រាប់ការបោះឆ្នោតនេះអោយបានល្អប្រសើរ ។
ការឃោសនាបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខណ្ឌអាណត្តិទី៣ បានបើកយុទ្ធនា កាលពីព្រឹកថ្ងៃទី១៧ ឧសភា នៅមជ្ឈមណ្ឌលសន្និបាតកោះពេជ្រ តាមកាលបរិច្ឆេទរបស់គ.ជ.ប ហើយការឃោសនាបោះឆ្នោតជ្រើសរើសក្រុមប្រឹក្សាអាណត្តិទី៣ នេះត្រូវធ្វើឡើងរយៈពេល៨ថ្ងៃជាប់ៗគ្នា តាមប្រតិទិនរបស់ គ.ជ.ប កំណត់ដែលនឹងត្រូវបញ្ចប់២៤ម៉ោងមុនថ្ងៃបោះឆ្នោត ។ ការឃោសនាបោះឆ្នោតអាចធ្វើជារួមនៅថ្នាក់រាជធានី ឬតាមខណ្ឌ (តាមការជាក់ស្តែង) ដែលគោលដៅសំខាន់ គឺឆ្ពោះទៅរកក្រុមប្រឹក្សាសង្កាត់ដែលជាអង្គបោះឆ្នោត ។
សូមបញ្ជាក់ថា នៅរាជធានីភ្នំពេញមានគណបក្សនយោបាយចំនួន៦ បានចុះឈ្មោះជាផ្លូវការក្នុងការចូលរួមប្រកួតប្រជែងសម្រាប់ការបោះឆ្នោតក្រុមប្រឹក្សាអាណត្តិទី៣នេះ ។ គណបក្សទាំង៦នោះរួមមានគណបក្សប្រជាជនកម្ពុជា, គណបក្សយុវជនកម្ពុជា ,គណបក្សឆន្ទៈខ្មែរ ,គណបក្សខ្មែររួបរួមជាតិ,គណបក្សហ្វ៊ុន ស៊ីនប៉ិច,គណបក្សសញ្ជាតិកម្ពុជា ។ តាមការចុះបញ្ជីគណបក្សនយោបាយ និងបេក្ខជនឈរឈ្មោះបោះឆ្នោតក្នុងនោះមណ្ឌលរាជធានីភ្នំពេញមានបេក្ខជនសរុបចំនួន២៧៤រូប ស្រីចំនួន១១៥រូប និងមណ្ឌលខណ្ឌទាំង១៤ មានបេក្ខជនសរុបចំនួន១.៣៤៣រូប ស្រី៥៣៧រូប ។ ក្រោយពីមានការជួបជុំនៅកោះពេជ្រអង្គមិទ្ទិញក៏បានបំបែកគ្នាដង្ហែរក្បួនទៅតាមខណ្ឌរៀងៗខ្លួនតាមកម្មវិធីដែលបានគ្រោងទុក ៕ កែសម្រួលដោយ ៖ សុឃាក់
ចែករំលែកព័តមាននេះ