រាជធានីភ្នំពេញ ៖ គណបក្សប្រជាធិបតេយ្យមូលដ្ឋានបានស្នើដល់អ្នកនយោបាយកុំអោយមានគំនិតផ្តួលរំលំគ្នាទៅវិញទៅមកការលើកឡើងរបស់គណបក្សមូលដ្ឋាននេះ បន្ទាប់ពីក្រុមអ្នកនយោបាយប្រឆាំងដែលគាំទ្រនយោបាយលោកសម រង្ស៊ី នៅក្រៅប្រទេសក៏ដូចជា ក្នុងប្រទេសចង់ផ្តួលរំលំរបបដឹកនាំបច្ចុប្បន្នដោយចោទថា ការដឹកនាំមិនល្អ ។ យ៉ាងណាក្តីគណបក្សប្រជាធិបតេយ្យមូលដ្ឋានបានលើកឡើងលើបណ្តាញសង្គមនៅថ្ងៃទី២៣ ខែឧសភាថា នៅពេលប្រជាពលរដ្ឋខ្មែរគាំទ្រការធ្វើនយោបាយតាមរបៀបប្រកួតប្រជែងគំនិតដើម្បីដោះស្រាយបញ្ហាតាមគោលការណ៍ប្រជាធិបតេយ្យសេរីពហុបក្សប្រទេសខ្មែរបានសម្បូរសប្បាយទាំងអស់គ្នាហើយ ។
គណបក្សបានបញ្ជាក់ថា ៖«ផ្ទុយទៅវិញការធ្វើនយោបាយដោយគាំទ្រ និងលើកតម្លើងបុគ្គលជ្រុលពេកហើយផ្តោតទៅលើការផ្តួលរំលំគ្នាទៅវិញទៅមក ដោយមានមួយ អត់មួយ ធ្វើឲ្យប្រជាជនខ្មែរជាអ្នករងគ្រោះដោយសារ អ្នកនយោបាយជាច្រើនជំនាន់រួចមកហើយ» ។ ជាមួយគ្នានោះដែរគណបក្សដែលសំបូរថ្នាក់ដឹកនាំមកពីសង្គមស៊ីវិលក៏បានអំពាវនាវដល់អ្នកនយោបាយទាំងអស់គួរងាកទៅកាន់វប្បធម៌នយោបាយស្រឡាញ់ខ្មែរ និងខ្មែរ និងចេញ យោគយល់គ្នា ។
ប្រភពបញ្ជាក់ថា៖«ដល់ពេលយើងរួមគ្នាសាបព្រោះវប្បធម៌នយោបាយថ្មី ជាពិសេសការគោរពយោគយល់គ្នាទៅវិញទៅមក ទោះបីជាមានទស្សនៈនយោបាយខុសគ្នា និងការឲ្យតម្លៃលើ ការប្រកួតប្រជែងគោលនយោបាយដោះស្រាយបញ្ហាសង្គមជាតិ»៕
ចែករំលែកព័តមាននេះ