រាជធានីភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជាលោកសុខ ឥសានបានអះអាងសង្គ្រាមពាណិជ្ជកម្មរវាងសហរដ្ឋអាមេរិក និងចិនមិនបានប៉ះពាល់កម្ពុជាធំដុំនោះទេ គឺប៉ះពាល់ប្រៀបដូចជា ដុំខ្សាច់មួយដុំអីញ្ចឹង។ ការលើកឡើងរបស់អ្នកនាំពាក្យបក្សកាន់អំណាចនេះ បន្ទាប់ពីសង្គ្រាមពាណិជ្ជកម្មរវាងប្រទេសមហាអំណាចទាំងពីរកើតមានហើយត្រូវបានក្រុមប្រឆាំងថា កម្ពុជាក៏ផលប៉ះពាល់ពីសង្គ្រាមដែលគ្មានផ្សែងនោះដែរ ។
លោកសុខ ឥសាន បានឲ្យកោះសន្តិភាពដឹងតាមទូរស័ព្ទនៅថ្ងៃទី២៣ ខែឧសភា យ៉ាងដូច្នេះថា «ខ្ញុំគិតថា សង្គ្រាមមហាអំណាចទាំងពីរហ្នឹង គឺជាការប្រកួតប្រជែងមនោគមន៍វិជ្ជានៅលើកពិភពលោក ។ អីញ្ចឹងទេការប្រកួតប្រជែងមហាអំណាចនេះគ្មានអ្នកណាឈ្នះអ្នកណាចាញ់នោះទេ គឺអន្តរាយទាំងអស់គ្នា» ។ លោកបន្តថា សង្គ្រាមរវាងប្រទេសមហាអំណាចនេះដែរ និងរាលដាលដល់ប្រទេសលើកពិភពលោកទាំងមូល និងជះឥទ្ធិពលដល់ប្រទេសលើកពិភពលោកទាំងមូលដែរ ។ ហើយវាក៏នឹងត្រូវចំណាយរយៈពេលវែងក្នុងការស្តាសេដ្ឋកិច្ចពិភពលោក ។ លោកក៏បានគូសបញ្ជាក់ថា ៖«រឿងនេះគ្មានពាក់ព័ន្ធនឹងកម្ពុជានោះទេ ផ្ទុយទៅកម្ពុជា បើប្រៀបធៀបនឹងសកលលោក គឺព្រៀមដូចគ្រាប់សាច់មួយគ្រាប់អីញ្ចឹង ដូច្នេះគ្មានរឿងអ្វីកម្ពុជារងឥទ្ធិពលនោះទេ» ។
យ៉ាងណាក្តីចំពោះសង្គ្រាមពាណិជ្ជកម្មរវាងប្រទេសមហាអំណាចនេះត្រូវបានអ្នកនាំពាក្យគណបក្សកាន់អំណាចថា កម្ពុជាមិនរងគ្រោះតែអ្នកវិនិយោគនៅកម្ពុជានោះទេ គឺរងគ្រោះចំ ពោះអ្នកវិនិយោគនៅលើកពិភពលោកទាំងអស់ត្រូវធ្លាក់ចុះដូចគ្នា ។ ចំពោះជំលោះនេះដែរលោកសុខ ឥសាន បានឲ្យដឹងរាជរដ្ឋាភិបាលកម្ពុជាមិនចង់ឲ្យកើតមាននោះទេ ។ ជាគោលនយោបាយរបស់គណបក្សប្រជាជនកម្ពុជា គឺធ្វើយ៉ាងណាឲ្យបណ្តាប្រទេសធំៗក៏ដូចជាប្រទេសតូចៗដោះស្រាយបញ្ហាដោះសន្តិវិធី ដើម្បីឈ្នះៗទាំងអស់គ្នា ។
លោកបន្ថែមសម្តេចតេជោ ហ៊ុន សែនតែងតែមានប្រសាសន៍ជាបន្តបន្ទាប់ថា កម្ពុជា គឺជា ចំណែកតូចមួយនៅក្នុងប្រទេសលើកពិភពលោក ហើយកម្ពុជាគ្មានឥទ្ធិពលនោះទេ ។ ប៉ុន្តែ កម្ពុជារងឥទ្ធិពលនៃការឈ្លោះគ្នារវាងប្រទេសមហាអំណាចទាំងពីរ (អាមេរិ -ចិន) ប្រសិនណា កើតឡើង ។
ចំណែកលោក យ៉ែមបុញ្ញាឬទ្ធិ អតីតអ្នកនាំពាក្យគណបក្សសង្គ្រោះជាតិបានលើកឡើង នៅថ្ងៃនេះដែរថា សង្គ្រាមភូមិសាស្ត្រនយោបាយ សង្គ្រាមពាណិជ្ជកម្ម ដែលអាមេរិក និងចិនកំពុង តតាំងគ្នាថ្មីៗចុងក្រោយនេះជុំវិញការដំឡើងពន្ធគយ និងទណ្ឌកម្មលើក្រុមហ៊ុនជាដើម បណ្ដាលឱ្យមានភាពតានតឹងពាណិជ្ជកម្ម ហើយភាពមិនជាក់លាក់នាំឱ្យការវិនិយោគអាប់អួរ ការបាត់ បង់ទំនុកចិត្តក៏មានការកើតឡើង ដែលនាំឱ្យប្រទេសនានារៀបចំផែនការ បង្ការជាយថាហេតុណាមួយដែលអាចកើតឡើង ៕ (កែសម្រួលដោយ ៖ សុឃាក់)
ចែករំលែកព័តមាននេះ