ប្រទេសអង់គ្លេស ៖ នាយករដ្ឋមន្ត្រីអង់គ្លេស លោកស្រីTHERESA MAYប្រកាសកាលពីថ្ងៃទី២១ឧសភាពីការសម្របសម្រួលមួយចំនួន ក្នុងនោះមានលទ្ធភាពនៃការបោះប្រជាមតិលើកទី២ ស្ដីពីការចាកចេញរបស់អង់គ្លេសពីសហភាពអឺរ៉ុបហៅBREXIT និងការរក្សាទុកប្រទេសលោកស្រី ក្នុងសហភាពគយបណ្ដោះអាសន្នជាមួយសហភាពអឹរ៉ុប ដើម្បីប៉ុនប៉ងឲ្យសមាជិកសភាភាគច្រើនងាកមកគាំទ្រផែនការBREXITរបស់លោកស្រី។
លោកស្រីMAYអះអាងថា នោះជាភ័ព្វវាសនាចុងក្រោយ នៃការអនុវត្តឆន្ទៈរបស់ពលរដ្ឋអង់គ្លេស ដែលក្នុងការបោះប្រជាមតិកាលពីខែមិថុនាឆ្នាំ២០១៦ ពលរដ្ឋប្រទេសនេះ៥២%គាំទ្រដល់ការចាកចេញពីសហភាពអឺរ៉ុប។ បណ្ដាសមាជិកសភាអង់គ្លេសបានបដិសេធ៣លើករួចមកហើយ កិច្ចព្រមព្រៀងស្ដីពីBREXITដែលចុះហត្ថលេខា កាលពីខែវិច្ឆិកាឆ្នាំ២០១៨ជាមួយក្រុងព្រុចសែល នាំឲ្យមានការពន្យារពេលកាលបរិច្ឆេទនៃការចាកចេញនោះ២លើករួចមកហើយ។
កាលបរិច្ឆេទនៃការចាកចេញពេលនេះគ្រោងរហូតដល់ថ្ងៃទី៣១តុលាយ៉ាងយូរបំផុត។ បែបបនេះតម្រូវឲ្យអង់គ្លេសចូលរួមក្នុងការបោះឆ្នោតសភាអឺរ៉ុប ដែលត្រូវប្រព្រឹត្តទៅនាថ្ងៃទី២៣ឧសភា ខណៈអង់គ្លេសគ្រោងចាកចេញពីសហភាពអឺរ៉ុបពីដំបូងនាថ្ងៃទី២៩មីនា។
ប្រសិនបើបណ្ដាសមាជិកសភាអនុម័តគម្រោងច្បាប់ ដែលនឹងដាក់ជួននាដើមខែមិថុនា សភាក៏ប៉ុនប៉ងអនុម័តដែរលើការការបោះប្រជាមតិលើកទី២ស្ដីពីBREXIT ព្រមទាំងលើការរក្សាទុកបណ្ដោះអាសន្នប្រទេសអង់គ្លេសក្នុងសហភាពគយជាមួយសហភាពអឺរ៉ុបដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ