សហរដ្ឋអាមេរិក ៖ ពួកអ្នកប្រជាធិបតេយ្យអាមេរិកកាលពីថ្ងៃទី២១ឧសភា បានបង្កើនថែមទៀត ការគាបសង្កត់លើសេតវិមានដោយកោះហៅមនុស្សជំនិតម្នាក់របស់លោកត្រាំឲ្យមកកាន់សភា ហើយអំពាវនាវឲ្យបើកនីតិវិធីដកហូតតំណែងប្រធានាធិបតី។
ដោយសារការបដិសេធរបស់រដ្ឋការលោកដូណាល់ត្រាំ មិនរួមសហការជាមួយការស៊ើបអង្កេតរបស់សភា គ្របដណ្ដប់ដោយពួកអ្នកប្រជាធិបតេយ្យ ទើបពួកគេប្រកាសពីការផ្ដួចផ្ដើមគំនិតថ្មីមួយ ងាកមករកតុលាការដែលនោះជានីតិវិធីកម្រមាន សម្រាប់ដាក់ទោសប្រធានាធិបតី។ យុទ្ធសាស្ត្រថ្មីនេះដែលផ្ដួចផ្ដើមដោយបណ្ដាប្រមុខពួកអ្នកប្រជាធិបតេយ្យហាក់ដូចជាមានភាពរឹងមាំ ចៀសវាងនីតិវិធីដកតំណែងដោយសភា ដែលនាំឲ្យប្រទេសមានការបែកបាក់គ្នាកាន់តែខ្លាំង ខណៈការបោះឆ្នោតប្រធានាធិបតីត្រូវប្រព្រឹត្តទៅនាឆ្នាំ២០២០។។
ដោយកោះហៅលោកស្រីHOPE HICKS ឲ្យមកកាន់គណៈកម្មការតុលាការរបស់សភា នាថ្ងៃទី១៩មិថុនា នោះគឺជាការវាយប្រហារដល់បណ្ដាមនុស្សជំនិតរបស់លោកត្រាំ។
ដោយសង្ស័យលោកត្រាំថាបន្ទច់បង្អាក់តុលាការ និងប្រព្រឹត្តការរំលោភបំពានអំណាចឯទៀតៗ ពួកអ្នកប្រជាធិបតេយ្យយល់ថាលោកស្រីHOPE HICKSអាយុ៣០ឆ្នាំ គឺជាសាក្សីគន្លឹះម្នាក់ព្រោះលោកស្រីធ្លាប់ធ្វើការនៅកៀកជាមួយប្រធានាធិបតី។ បណ្ដាសមាជិកសភានៃគណបក្សប្រជាធិបតេយ្យក៏កោះហៅដែរអតីតនិយោជិតសេតវិមានមួយរូបទៀត លោកស្រីANNIE DONALDSON ដើម្បីចោទសួរនាថ្ងៃទី២៤មិថុនា។
សម្រាប់សេតវិមានយល់ថាពួកអ្នកប្រជាធិបតេយ្យបានធ្វើសកម្មភាពទាំងនេះពិតជាក្នុងគោលដៅនយោបាយ៕ (កែសម្រួលដោយ ៖ បុប្ផា)
ចែករំលែកព័តមាននេះ