ក្រោយឃើញអាមេរិកលេង Huawei មួយក្បាច់ពេលនេះ Xiaomi ស្រាប់តែចង់ធ្វើរឿង១
ប្រទេសចិន ៖ ភ្នាក់ងារសារព័ត៌មាន South China Morning Post បានឲ្យដឹងកាលពីថ្ងៃទី២១ កន្លងមកថា ក្រុមហ៊ុន…
ប្រទេសចិន ៖ ភ្នាក់ងារសារព័ត៌មាន South China Morning Post បានឲ្យដឹងកាលពីថ្ងៃទី២១ កន្លងមកថា ក្រុមហ៊ុន…
ប្រទេសចិន ៖ ភ្នាក់ងារសារព័ត៌មាន South China Morning Post បានឲ្យដឹងកាលពីថ្ងៃទី២១ កន្លងមកថា ក្រុមហ៊ុន Xiaomi Corp បានប្រកាសថាពួកគេកំពុងតែតាមដានការសម្រេចចិត្តរបស់ Google ក្នុងពេលថ្មីៗនេះយ៉ាងដិតដល់ដើម្បីជៀសវាងការធ្វើអាជីវកម្មជាមួយនឹងក្រុមហ៊ុន Huawei Technologies ខណៈដែលក្រុមហ៊ុនពន្លឿនគម្រោងពង្រីកអាជីវកម្មអន្តរជាតិ ។
លោក Chew Shou Zi ដែលជាប្រធានទទួលបន្ទុកផ្នែកហិរញ្ញវត្ថុប្រចាំ Xiaomi បាននិយាយថា «ពួកយើងចាប់អារម្មណ៍នឹងបញ្ហានេះខ្លាំងណាស់ ប៉ុន្តែវាមិនមានផលប៉ះពាល់ផ្ទាល់ដល់យើងទេ» ។
លោក Chew បានបន្តថា ក្រុមហ៊ុនលោកលក់មានគោលដៅផ្គត់ផ្គង់ផលិតផលដល់ ៧០%នៃប្រជាជនសរុបទូទាំងពិភពលោក ដែលជាផ្នែកមួយនៃយុទ្ធសាស្ត្រពង្រីកអាជីវកម្មរបស់ខ្លួន ប៉ុន្តែលោកមិនបានប្រាប់ពីរយៈពេលច្បាស់លាស់ក្នុងការសម្រេចគោលដៅនេះទេ ។
ការសម្រេចចិត្តរបស់ Google ក្នុងការកាត់ផ្តាច់ទំនាក់ទំនងអាជីវកម្មជាមួយ Huawei ត្រូវបានសម្រេចឡើងបន្ទាប់ពីការិយាល័យឧស្សាហកម្ម និងសន្តិសុខក្រោមក្រសួងពាណិជ្ជកម្មអាមេរិកដាក់ Huawei និងក្រុមហ៊ុនក្រោមការគ្រប់គ្រងប្រមាណ ៧០ ក្រុមហ៊ុនទៀតក្នុងបញ្ជីខ្មៅសម្រាប់ការនាំចេញ ដែលហាមឃាត់ក្រុមហ៊ុនទាំងនេះមិនឲ្យទិញកម្មវិធី Hardware Software និងសេវាកម្មផ្សេងៗពីអ្នកផ្គត់ផ្គង់បច្ចេកវិទ្យាអាមេរិកឡើយ ។
កាលពីថ្ងៃចន្ទកន្លងមក Xiaomi ក៏បានប្រកាសពីប្រាក់ចំណេញប្រចាំឆ្នាំរបស់ខ្លួនដែលស្មើប្រមាណ៤៦២លានដុល្លារកាលពីត្រីមាសទី១កន្លងមកនេះ ខណៈដែលចំនួនលក់ស្មាតហ្វូនមានការកើនឡើង ក៏ដូចជាមានការលូតលាស់ក្នុងអាជីវកម្ម Internet of Things (IoT) និងអាជីវកម្មផ្សេងៗជាដើម ។
លោក Lei Jun ដែលជាស្ថាបនិកនិងនាយកប្រតិបត្តិរបស់ Xiaomi បាននិយាយក្នុងសេចក្តីថ្លែងការណ៍មួយកាលពីថ្ងៃច័ន្ទថា លទ្ធផលប្រចាំត្រីមាសក្នុងពេលថ្មីៗនេះបានបង្ហាញពីការចាប់ផ្តើមដ៏ល្អនៃការអនុវត្តយុទ្ធសាស្ត្រ Smartphone plus AIoT dual-engine ដែលរួមមានកំណើននៃការលក់ស្មាតហ្វូនក្នុងទីផ្សារបរទេស និងការបង្កើតឱកាស Artificial Inelligence និង IoT ថ្មីៗ។
កាលពីខែមុន ក្រុមហ៊ុននេះបានប្រកាសថាពួកគេនឹងបង្កើតគណៈកម្មាធិការមួយដែលរួមមាន ១៩សមាជិកដើម្បីផ្លាស់ប្តូរក្រុមហ៊ុនឲ្យទៅជាក្រុមហ៊ុនដឹកនាំដោយ AI និងបានសន្យាថានឹងផ្តល់ជារង្វាន់ និងប្រាក់លើកទឹកចិត្តរាប់លានយាន់ដល់វិស្វករចំណានៗ ៕
កែសម្រួលដោយ ៖ សំណាង
ចែករំលែកព័តមាននេះ