ខេត្តបាត់ដំបង ៖ បុរសម្នាក់ត្រូវជនមិនស្គាល់អត្តសញ្ញាណ កាប់បណ្ដាលឱ្យរបួសធ្ងន់ ដែលទំនងប៉ុនប៉ងចង់«ប្លន់» តែមិនបានសម្រេច កាលពីវេលាម៉ោង៣ និង៥០នាទីរសៀលថ្ងៃទី២១ ឧសភា ស្ថិតនៅក្នុងភូមិតាង៉ែន…
ខេត្តបាត់ដំបង ៖ បុរសម្នាក់ត្រូវជនមិនស្គាល់អត្តសញ្ញាណ កាប់បណ្ដាលឱ្យរបួសធ្ងន់ ដែលទំនងប៉ុនប៉ង
ចង់«ប្លន់» តែមិនបានសម្រេច កាលពីវេលាម៉ោង៣ និង៥០នាទីរសៀលថ្ងៃទី២១ ឧសភា ស្ថិតនៅក្នុងភូមិតាង៉ែន ឃុំតាគ្រាម ស្រុកបាណន់ ខណ:ជនរងគ្រោះកំពុងនៅផ្ទះម្នាក់ឯង ។ ករណីនេះ ដូចជាសាហាវខ្លាំងណាស់ ធ្វើសកម្មភាពចង់ប្លន់ទាំងថ្ងៃបែបនេះ ។
សមត្ថកិច្ចបានឲ្យដឹងថា ជនរងគ្រោះខាងលើ មានឈ្មោះយ៉ម ឈួម អាយុ៥៦ឆ្នាំ រស់នៅភូមិ-ឃុំកើតហេតុខាងលើ។ ជនរងគ្រោះត្រូវជនល្មើសប្រើកាំបិតកាប់ បណ្ដាលឱ្យរបួសជាច្រើនកន្លែង ដែលទំនងមានចេតនាទុច្ចរិតអ្វីមួយ ឬប៉ុនប៉ង«ប្លន់ទ្រព្យសម្បត្តិ» តែមិនបានសម្រេចទេ ដោយសារជនរងគ្រោះរត់រួច និងបានស្រែកហៅអ្នកក្បែរខាងជួយ ធ្វើឱ្យជនល្មើសភ័យ ក៏រត់គេចខ្លួនបាត់ភ្លាមៗ ។
សមត្ថកិច្ចបាននិយាយទៀតថា គេនៅមិនទាន់ស្គាល់អត្តសញ្ញាណជនសង្ស័យនោះទេ តែគេសង្ស័យ ជនបង្កនោះជាមុខសញ្ញាញៀនថ្នាំ នៅក្នុងមូលដ្ឋានតែម្តង ។ សមត្ថកិច្ចថា បើតាមព័ត៌មានបឋមដែលមន្ត្រីជំនាញ
ទទួបានពីសាក្សីនានា គឺដំបូងជនសង្ស័យនោះបានដើរចូលទៅសុំផ្លែដូងជនរងគ្រោះ ខណ:ជនរងគ្រោះស្នាក់នៅផ្ទះតែម្នាក់ឯង ។
ដោយឃើញសភាពស្ងាត់ល្អ នៅពេលនោះ ស្រាប់តែជនល្មើសទាញកាំបិតកាប់ទៅលើជនររងគ្រោះយ៉ាងចាស់ដៃតែម្ដង បណ្ដាលឲ្យរងរបួសយ៉ាងធ្ងន់ធ្ងរ ហើយជនរងគ្រោះក៏ស្ទុះរត់ស្រែកឲ្យអ្នកភូមិជួយ រីឯជនដៃដល់ក៏រត់គេចខ្លួនបាត់ភ្លាមៗដែរ។ សមត្ថកិច្ចនូវមិនទាន់ហ៊ានធ្វើការសន្និដ្ឋានបែបណានៅឡើយទេ ពាក់ព័ន្ធនឹងការណីជនមិនស្គាល់មុខចូលទៅសុំផ្លែដូងហើយកាប់ម្ចាស់ផ្ទះបណ្ដាលឲ្យរបួសធ្ងន់ខាងលើនេះ ។
ប៉ុន្តែបើពិនិត្យលើសកម្មភាព ដែលជនល្មើសបានប្រព្រឹត្តទៅលើជនរងគ្រោះ គេសង្ស័យអាចជាករណីប៉ុនប៉ង «ប្លន់» តែមិនបានសម្រេច ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ