រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅមុននេះបន្តិចកម្លាំងនគរបាលការិយាល័យព្រហ្មទណ្ឌកម្រិតស្រាលនៃស្នងការនគរបាលរាជធានីភ្នំពេញបានបង្ហាញមុខជនសង្ស័យចំនួន១០នាក់ ជាសាធារណជន រួចបញ្ជូនទៅកាន់សាលដំបូងរាជធានីភ្នំពេញចាត់ការតាមច្បាប់ ។
សេចក្តីរាយការណ៍បានបន្តថា ជនសង្ស័យទាំង១០នាក់ខាងលើមាន២ក្រុម ត្រូវបានសមត្ថកិច្ចឃាត់ខ្លួនជាបន្តបន្ទាប់ នៅថ្ងៃទី១៧ ដល់ថ្ងៃទី១៩ ខែឧសភានេះ ដែលពួកគេបានប្រព្រឹត្តបទល្មើស១២ករណី ។ ដោយជនសង្ស័យមានគ្នា២ក្រុម និងមួយក្រុមមានគ្នា៧នាក់ ដែលប្រព្រឹត្តបទល្មើសចំនួន៦ករណី លួចមានស្ថានទង្ងន់ទោស និងអំពើហិង្សាដោយប្រើដែកកែច្នៃកាប់ប្លន់ចំនួន៥ករណី និងមួយករណីប្រើប្រាស់គ្រឿងញៀនយ៉ាងសកម្មនៅរាជធានីភ្នំពេញ ។
ក្នុងការឃាត់ខ្លួនជនសង្ស័យនេះដែរសមត្ថកិច្ចបានដកហូតម៉ូតូ២គ្រឿង ដាវចំនួន២ និងសម្ភារមួយចំនួនទៀត ហើយមានឧបករណ៍ប្រើប្រាស់គ្រឿងញៀនទៀត ។ ដោយឡែកក្នុងចំណោមជនសង្ស័យទាំង១០នាក់ មានម្នាក់បានប្រើសកម្មភាពឆក់ស្ត្រីរងគ្រោះនៅបឹងសាឡាង ខណ្ឌទួលគោក ទាំងព្រឹក បណ្តាលឲ្យរបួសយ៉ាងធ្ងន់ ។
បញ្ជាក់ផងដែរថា ៖ ក្រុមខាងលើនេះជាក្រុមឆក់ និងកាប់ប្លន់យ៉ាងសកម្ម ហើយព្រមទាំងមានការប្រើប្រាស់គ្រឿងញៀនផងដែរ ។
ចែករំលែកព័តមាននេះ