រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានទទួលស្គាល់ចំពោះបញ្ហាអសកម្មដែលកើតមាននៅក្នុងសង្គមជាតិខ្មែរ ក្រោមការដឹកនាំរបស់បក្សប្រជាជនកម្ពុជា អស់រយៈពេលជាង៣០ឆ្នាំកន្លងមកនេះ ។ ការប្រកាសទទួលស្គាល់នេះ…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានទទួលស្គាល់ចំពោះបញ្ហាអសកម្មដែលកើតមាននៅក្នុងសង្គមជាតិខ្មែរ ក្រោមការដឹកនាំរបស់បក្សប្រជាជនកម្ពុជា អស់រយៈពេលជាង៣០ឆ្នាំកន្លងមកនេះ ។ ការប្រកាសទទួលស្គាល់នេះ បន្ទាប់ពីមានមតិមួយចំនួនរិះគន់ថា មានភាពអយុត្តិធម៌លើប្រព័ន្ធតុលាការ ភាពសកម្មភាពរបស់មន្ត្រីនៅតាមក្រសួងស្ថាប័នមួយចំនួនក្នុងការផ្តល់សេវាជូនប្រជាពលរដ្ឋ និងរំលោភបំពានច្បាប់របស់អ្នកអំណាចតាមមូលដ្ឋានជាដើម ។
លោកសុខ ឥសាន បញ្ជាក់ឲ្យដឹងនៅថ្ងៃទី២១ ឧសភា តាមប្រព័ន្ធតេឡេក្រាមយ៉ាងដូច្នេះថា៖«បញ្ហាអយុត្តិធ៌មនៅក្នុងសង្គមតែងតែមានបាតុភាពអសកម្ម និងមិនប្រក្រតីមួយចំនួនដោយជៀសមិនរួចទោះសង្គមនោះរីកចម្រើនជឿនលឿនយ៉ាងណាក៏ដោយ ។ ដូច្នេះការយកបាតុភាពអសកម្មដោយដុំមកធ្វើជារឿងរួម ទូទៅ គឺជាការប្រមាថដល់សង្គមទាំងមូល មិនមើល ឃើញភាពសកម្មជាទូទៅ និងរីកចម្រើនរបស់ប្រទេសជាតិជាការមិនត្រឹមត្រូវ» ។ ជាមួយគ្នានោះដែរ លោកក៏បានលើកឡើងថា អ្នកកាន់អំណាចបានយូរធ្វើតាមទំនើងចិត្ត ជាការមិនមែនតាមទំនងចិត្តឯងទេ គឺតាមទំនើងឆន្ទៈរបស់ប្រជាជនកម្ពុជាជាម្ចាស់ឆ្នោត ។
ជាងនេះអ្នកនាំពាក្យដដែលក៏បានលើកឡើងចំអកឲ្យកាន់ក្រុមប្រឆាំងថា ត្រីធំស៊ីត្រីតូចជាក្រឹត្យក្រមធម្មជាតិ ដូចប្រទេសធំខ្លាំងចង់តែលេប ចងតែធ្វើបាបប្រទេសតូចដូច្នេះដែរ ។ លោកក៏បានបន្ថែមថា អ្នកណាជីករណ្តៅកប់លទ្ធិប្រជាធិបតេយ្យនៅកម្ពុជា គឺពួកអ្នករំលោភច្បាប់ និងរំលោភលទ្ធិប្រជាធិបតេយ្យហ្នឹងហើយ ។
សូមជម្រាបថា លើកឡើងរបស់អ្នកនាំពាក្យបក្សកាន់អំណាច ក្រោយពីមានរិះគន់ពីសាធាមតិថា នៅក្នុងសង្គមខ្មែរបច្ចុប្បន្ននេះមានបញ្ហាអសកម្មជាច្រើនកើតឡើងដូចបក្ខពួកនិយម ការ រំលោភបំពានសិទ្ធិរបស់ប្រជាពលរដ្ឋពីសំណាក់មានអំណាច ការរំលោភយកដីរដ្ឋ ….៕
ចែករំលែកព័តមាននេះ