ក្រុមហ៊ុនផលិតរថយន្តអេឡិចត្រូនិក Einride បានចាប់ផ្តើមធ្វើតេស្តរថយន្តដឹកទំនិញដែល បើកបរដោយស្វ័យប្រវត្តិទាំងអស់របស់ខ្លួននៅលើផ្លូវសាធារណៈនៅក្នុងប្រទេសស៊ុយអែត ។ រថយន្ត Einride T-Pod បានចាប់ផ្តើមដំបូងនៃអ្វីដែលនឹងជាការដឹកជញ្ចូន ទំនិញប្រចាំថ្ងៃនៅ…
ក្រុមហ៊ុនផលិតរថយន្តអេឡិចត្រូនិក Einride បានចាប់ផ្តើមធ្វើតេស្តរថយន្តដឹកទំនិញដែល បើកបរដោយស្វ័យប្រវត្តិទាំងអស់របស់ខ្លួននៅលើផ្លូវសាធារណៈនៅក្នុងប្រទេសស៊ុយអែត ។ រថយន្ត Einride T-Pod បានចាប់ផ្តើមដំបូងនៃអ្វីដែលនឹងជាការដឹកជញ្ចូន ទំនិញប្រចាំថ្ងៃនៅ សប្តាហ៍នេះនៅក្នុងទីក្រុងJönköping។ រថយន្តដឹកទំនិញទម្ងន់ ២៦ តោនដែលបានធ្វើតេស្ត សាកល្បងក្នុងអំឡុងពេល ព្រឹត្តិការ MWC ត្រូវបានដំណើរការទាំងស្រុងតាមរយៈបណ្តាញ 5G ហើយវាជារថយន្តមិនមានកន្លែងបើកបរនោះទេ ។
ជាច្រើនដងក្នុងមួយថ្ងៃរថយន្ត T-Pod នឹងធ្វើដំណើរចម្ងាយ ៣០០ ម៉ែត្រពីឃ្លាំងមួយទៅអាគារ ចំណត ។ ក្រុមហ៊ុន Einride និយាយថាការសាកល្បងដែលបញ្ចប់នៅចុងឆ្នាំ ២០២០ គឺជា លើកទីមួយហើយដែលរថយន្តដឹកទំនិញបើកបរដោយស្វ័យប្រវត្តិគ្មានអ្នកបើកបរត្រូវបានអនុញ្ញាតនៅលើផ្លូវសាធារណៈ ។
ខណៈពេលដែលរថយន្ដ T-Pod អាចមានល្បឿន ៨៥ គីឡូម៉ែត្រក្នុងមួយម៉ោងនោះ គឺភ្នាក់ងារ ដឹកជញ្ជូនប្រទេសស៊ុយអែតនឹងអនុញ្ញាតឱ្យវាបើកបរតែក្នុងល្បឿនប្រហែល ៥ គីឡូម៉ែត្រ ប៉ុណ្ណោះក្នុងមួយម៉ោងក្នុងកំឡុងពេលធ្វើតេស្ត ។
នាយកប្រតិបត្តិក្រុមហ៊ុន Einride លោក Robert Falck បានគិតថាការផ្តល់លិខិតអនុញ្ញាតឱ្យ មាន បច្ចេកវិទ្យារថយន្តដឹកទំនិញបើកបរដោយស្វ័យប្រវត្តិមាននៅលើផ្លូវសាធារណៈគឺជា ជំហានដំបូងសម្រាប់ក្រុមហ៊ុនដឹកជញ្ជូនធំៗ ។ លោក Falck សង្ឃឹមថានឹងដាក់ពាក្យសុំការ អនុញ្ញាតដូចគ្នានេះបន្ថែមទៀតដោយអាចនឹងពង្រីកនៅសហរដ្ឋអាមេរិកនៅឆ្នាំក្រោយ ៕
ចែករំលែកព័តមាននេះ