តាក់ស៊ីហោះអេឡិចត្រូនិករបស់អាល្លឺម៉ង់ Lilium Jet ដែលមាន ៥ កៅអី បានប្រកាសអំពីការ ធ្វើតេស្តលើកទីមួយដែល វាគឺជាការធ្វើតេស្តជោគជ័យចុងក្រោយសម្រាប់ឧស្សាហកម្មជើង ហោះហើរអេឡិចត្រូនិកដែលទើបនឹងចាប់ផ្តើមដោយមានបំណងឱ្យមាន…
តាក់ស៊ីហោះអេឡិចត្រូនិករបស់អាល្លឺម៉ង់ Lilium Jet ដែលមាន ៥ កៅអី បានប្រកាសអំពីការ ធ្វើតេស្តលើកទីមួយដែល វាគឺជាការធ្វើតេស្តជោគជ័យចុងក្រោយសម្រាប់ឧស្សាហកម្មជើង ហោះហើរអេឡិចត្រូនិកដែលទើបនឹងចាប់ផ្តើមដោយមានបំណងឱ្យមាន «រថយន្តហោះ» ដែលហោះហើរនៅលើទីក្រុងនានាក្នុងទសវត្សរ៍ក្រោយ ។
នៅក្នុងរូបភាពវីដេអូដែលផ្តល់ដោយក្រុមហ៊ុនដែលមានមូលដ្ឋាននៅទីក្រុងមុយនិក (Munich) យន្តហោះគ្មានអ្នកបើកបររបស់ក្រុមហ៊ុន Lilium អាចនេះត្រូវបានគេមើលឃើញថាវាហោះ ឡើងដូចជាឧទ្ធម្ភាគចក្រ ហើយហោះក្នុងរយៈពេលខ្លី និងចុះចតវិញ ។ វាហាក់ដូចជាមិនមាន ច្រើនទេប៉ុន្តែវាគឺជាជំហានដ៏ធំមួយសម្រាប់ក្រុមហ៊ុនដែលសង្ឃឹមថាបើកដំណើរការសេវាកម្មតាក់ស៊ីហោះយ៉ាងពេញលេញនៅក្នុងទីក្រុងជាច្រើននៅឆ្នាំ ២០២៥ ។
បើប្រៀបធៀបទៅនឹងយន្តហោះអេឡិចត្រូនិកជំនាន់មុនផ្សេងទៀតដែលយើងបានឃើញរហូតមកដល់ពេលនេះ គឺយន្តហោះ Lilium Jet ពិតជាមានភាពលេចធ្លោខ្លាំងណាស់ ។ វាមានរាង ពងក្រពើ និងមានស្លាបពីរ ហើយស្លាបរបស់វាត្រូវបានបំពាក់ដោយម៉ាស៊ីនអេឡិចត្រូនិក សរុបចំនួន ៣៦ គ្រឿងដែលរុញច្រានសម្រាប់ការហោះឡើងបញ្ឈរហើយបន្ទាប់មកផ្លាស់ប្តូរ ទៅជាផ្តេកសម្រាប់ហោះហើរទៅមុខ ។ វាមិនមានកន្ទុយ ចង្កូត ឬប្រអប់លេខទេ ។ ក្រុមហ៊ុន នេះបាននិយាយថានៅពេលផលិតចប់សព្វគ្រប់ Lilium Jet នឹងហោះបានចម្ងាយ ៣០០ គីឡូ ម៉ែត្រ និងមានល្បឿនអតិបរមា ៣០០ គីឡូម៉ែត្រក្នុងមួយម៉ោង ។
ចម្ងាយនេះគឺវាឆ្ងាយជាងគូប្រជែងរបស់ខ្លួនជាច្រើនកំពុងព្យាករណ៍អំពីយន្តហោះអេឡិចត្រូនិករបស់ពួកគេផងដែរ ។ លោក Remo Gerber ប្រធានមន្ត្រីពាណិជ្ជកម្មរបស់ក្រុមហ៊ុន Lilium បាននិយាយថានេះគឺដោយសារតែការរចនា Fixed-wing យន្តហោះរបស់ក្រុមហ៊ុន Jet ទាម
ទារតិចជាង ១០ ភាគរយនៃកម្លាំងអតិបរិមា ២០០០ សេះក្នុងកំឡុងពេលហោះហើរ ។
លោក Gerber បាននិយាយនៅក្នុងបទសម្ភាសជាមួយ The Verge ថា «យើងពិតជារំភើបខ្លាំង ណាស់» ។ តែទោះជាយ៉ាងណាក៏ដោយលោក Gerber មិនផ្តល់ព័ត៌មានលម្អិតអំពីសមត្ថភាព ទម្ងន់របស់ Lilium Jet ទេ ប៉ុន្តែគាត់បានអះអាងថាវានឹងអាចដឹកអ្នកដំណើរ ៥ នាក់ និងអ្នក បើកបរម្នាក់រួមទាំងឥវ៉ាន់ផងដែរ ។
លោក Gerber បានថ្លែងថា ក្រុមហ៊ុន Lilium កំពុងស្ថិតនៅ ក្នុងដំណាក់កាលនៃការទទួលបានវិញ្ញាបនបត្រសម្រាប់តាក់ស៊ីហោះដែលមាន ៥ កៅអីពីទី ភ្នាក់ងារសុវត្ថិភាពអាកាសចរណ៍អឺរ៉ុបហើយនឹងស្វែងរកការដាក់ពាក្យជាមួយរដ្ឋបាលអាកាសចរណ៍សហព័ន្ធអាមេរិក ។
លោក Gerber បាននិយាយបន្ថែមទៀតអំពីគំរូអាជីវកម្មរបស់ក្រុមហ៊ុនដែលរួមមានកម្មវិធី តម្រូវការដោយអតិថិជនអាចកក់ជើងហោះហើរតាមរយៈកម្មវិធីស្មាតហ្វូនមួយដែលមានឈ្មោះថា La Uber ។ គិតពីកណ្តាលក្រុង Manhattan ទៅព្រលានយន្តហោះអន្តរជាតិ JFK ត្រូវចំណាយពេលក្រោម ១០ នាទីសម្រាប់តម្លៃ ៧០ ដុល្លារ ។
សូមបញ្ជាក់ផងដែរថា បច្ចុប្បន្ន ក្រុមហ៊ុនមួយដែលមានឈ្មោះថា Blade ដែលហៅឯងខ្លួនថា “Uber for helicopters” ផ្តល់នូវ ការធ្វើដំណើរដូចគ្នានេះក្នុងតម្លៃរហូត ១៩៥ ដុល្លារឯណោះ ៕
ចែករំលែកព័តមាននេះ