វិស័យដឹកជញ្ជូនវៀតណាមជួបឧបសគ្គព្រោះតែហេដ្ឋារចនាសម្ព័ន្ធ
ប្រទេសវៀតណាម ៖ អនុប្រធាន Tran Thanh Hai នៃនាយកដ្ឋាននាំចេញនាំចូលក្រោមក្រសួងឧស្សាហកម្មនិងពាណិជ្ជកម្មបានប្រាប់ដល់ភ្នាក់ងារសារពត៌មាន Viet Nam News…
ប្រទេសវៀតណាម ៖ អនុប្រធាន Tran Thanh Hai នៃនាយកដ្ឋាននាំចេញនាំចូលក្រោមក្រសួងឧស្សាហកម្មនិងពាណិជ្ជកម្មបានប្រាប់ដល់ភ្នាក់ងារសារពត៌មាន Viet Nam News…
ប្រទេសវៀតណាម ៖ អនុប្រធាន Tran Thanh Hai នៃនាយកដ្ឋាននាំចេញនាំចូលក្រោមក្រសួងឧស្សាហកម្មនិងពាណិជ្ជកម្មបានប្រាប់ដល់ភ្នាក់ងារសារពត៌មាន Viet Nam News ដែលបានរាយការណ៍មកកាលពីថ្ងៃទី ១៨ខែឧសភាថា ភាពទន់ខ្សោយនៃហេដ្ឋារចនាសម្ព័ន្ធ និងការចំណាយច្រើនលើការដឹកជញ្ជូនបានប៉ះពាល់ដល់ក្រុមហ៊ុនវៀតណាម។
លោក Hai បាននិយាយថា “វៀតណាមមានសមត្ថភាពក្នុងការអភិវឌ្ឍន៍វិស័យដឹកជញ្ជូនព្រោះតែសកម្មភាពនាំចេញនិងនាំចូលដ៏សកម្ម។ ដោយមានទីតាំងនៅកណ្តាលអាស៊ីអាគ្នេយ៍ និងមានឆ្នេរសមុទ្រប្រមាណ ៣ពាន់គីឡូម៉ែត្រ វៀតណាមអាចដើរតួរជាចំណតដ៏សំខាន់សម្រាប់ក្រុមហ៊ុនដឹកជញ្ជូនមកពីប្រទេសដទសក្នុងតំបន់និងពិភពលោក ”។
លោកបានបន្ថែមថា វិស័យដឹកជញ្ជូនក្នុងប្រទេសវៀតណាមបានមើលឃើញការអភិវឌ្ឍន៍យ៉ាងលឿនក្នុងរយៈពេលប៉ុន្មានឆ្នាំថ្មីៗនេះដោយមានអត្រាលូតលាស់ប្រចាំឆ្នាំរវាងពី ១៣ទៅ១៥%ផងដែរ។ ប៉ុន្តែលោកបានបន្តថា ផ្លូវថ្នល់ និងហេដ្ឋារចនាសម្ព័ន្ធវិស័យអាកាសចរណ៍ទន់ជ្រាយគឺជាឧបសគ្គដ៏ធំជាងគេសម្រាប់វិស័យដឹកជញ្ជូនបើទោះជាមានការអភិវឌ្ឍន៍ពិតមែនក្តី។
លើសពីនេះទៅទៀត ភាពប្រកួតប្រជែងក្នុងចំណោមក្រុមហ៊ុនដឹកជញ្ជូននៅទន់ខ្សោយនៅឡើយ។ យោងទៅតាមសមាគមន៍ដឹកជញ្ជូនវៀតណាម (VLA) បានឲ្យដឹងថា ប្រទេសវៀតណាមមាន ៤ពាន់អាជីវកម្មក្នុងវិស័យដឹកជញ្ជូន ប៉ុន្តែភាគច្រើនគឺជាក្រុមហ៊ុនធនតូចនិងមធ្យមប៉ុណ្ណោះ។ ក្រុមហ៊ុនដឹកជញ្ជូនក៏ខ្វះបុគ្គលិកដែលមានជំនាញខ្ពស់ផងដែរព្រោះវិស័យនេះមិនមានការអប់រំនិងហ្វឹកហាត់ច្រើនឡើយ។
លោក Nguyen Tuong ដែលជាអនុអគ្គលេខាធិការបស់ VLA បាននិយាយថា ក្រៅពីអនុវត្តគោលនយោបាយសម្រាប់វិស័យនេះហើយ ក្រសួងនានាគួរតែព្យាយាមធ្វើឲ្យហេដ្ឋារចនាសម្ព័ន្ធល្អប្រសើរផងដែរ។
ដើម្បីទាក់ទាញការវិនិយោគ លោក Tuong បាននិយាយថា សហគ្រាសគួរតែធ្វើឲ្យសេវាកម្មប្រសើរឡើង និងកាត់បន្ថយការចំណាយ។ ក្រុមហ៊ុនដឹកជញ្ជូនមួយចំនួនបានសម្រេចចិត្តធ្វើការវិនិយោគលើហេដ្ឋារចនាសម្ព័ន្ធផងដែរដើម្បីជួយជំរុញដល់វិស័យនេះ។
ចែករំលែកព័តមាននេះ