សហរដ្ឋអាមេរិក ៖ យុទ្ធសាស្ត្រឃោសនារបស់លោកJOE BIDEN ដែលតាមការស្ទាបស្ទង់មតិនានាសម្រាប់ពេលនេះថា ជាអ្នកមានប្រៀប បានខិតខំពង្រឹងការគាំទ្ររបស់លោក ក្នុងចំណោមពួកអ្នកប្រជាធិបតេយ្យនិយមកណ្ដាល និងពួកអ្នកដែលមានចេតនារារាំងលោកដូណាល់ត្រាំកុំឲ្យជាប់ឆ្នោតជាថ្មី ក្នុងការបោះឆ្នោតប្រធានាធិបតីអាមេរិក នាខែវិច្ឆិកាឆ្នាំ២០២០ខាងមុខនេះ។
ខណៈសល់ពេល៨ខែទៀតដល់ពេលចាប់ផ្ដើមបោះឆ្នោតសម្រាំង សម្រាប់គណបក្សប្រជាធិបតេយ្យ ជ្រើសតាំងបេក្ខជនប្រធានាធិបតី តតាំងជាមួយលោកត្រាំ លោកJOE BIDENអនុប្រធានាធិបតីរបស់លោកបារ៉ាក់អូបាម៉ា ដែលឈរជាបេក្ខជនសម្រាប់នៃគណបក្សប្រជាធិបតេយ្យមួយរូបដែរ កាលពីថ្ងៃទី១៨ឧសភា បានវាយប្រហារដោយផ្ទាល់ចំពោះលោកដូណាល់ត្រាំ ដោយហៅលោកត្រាំថា ជាមេបំបែកបំបាក់ធំបំផុត បើប្រៀបធៀបទៅនឹងជនបិសាចនិងជនផ្ដាច់ការអាក្រក់ទាំងឡាយ។
លោកBIDENអាយុ៧៦ឆ្នាំ ក្នុងមហាមីទ្ទីងឃោសនាដំបូងរបស់លោក នៅរដ្ឋហ្វីឡាដែលហ្វីយ៉ាលើកឡើងថា ប្រទេសកំពុងជួបប្រទះការបែកបាក់ ការវាយប្រហារគ្នាទាំងទទឹងទិសនិងឥរិយាបថរឡិចរឡក់ខ្លាំងបំផុត។ លោកថាខ្ញុំដឹងថាលោកប្រធានាធិបតីត្រាំ ចូលចិត្តនិយាយពីក្រេឌីតនៃសេដ្ឋកិច្ចដែលខុសពីការពិត។ ប្រធានាធិបតីទទួលបានការកែលម្អ សេដ្ឋកិច្ចពីរដ្ឋការអូប៉ាម៉ា-BIDEN ដែលបន្សល់ទុកឲ្យលោក តែខិតខំនិយាយពីស្នាដៃរបស់ខ្លួន។ រូបលោកតាមពិតជាប្រមុខមេបំបែកបំបាក់៕
ចែករំលែកព័តមាននេះ