រាជធានីភ្នំពេញ ៖ មន្ត្រីជាន់ខ្ពស់ និងជាគណបក្សប្រជាជនកម្ពុជាលោកសុខ ឥសាន បានបញ្ជាក់ជាថ្មីថា ករណីលោកកឹម សុខា អតីតប្រធានគណបក្សសង្គ្រោះជាតិដែលជាប់ពន្ធនាគារមកពីយកផែនការរដ្ឋាភិបាលអាមេរិកមកអុនវត្តន៍ ។ ការលើកឡើងរបស់អ្នកនាំពាក្យបក្សកាន់អំណាចនេះ បន្ទាប់ពីអតីតមន្ត្រីជាន់ខ្ពស់បក្សប្រឆាំងលើកឡើងថា ការឃុំខ្លួនលោកកឹម សុខា ជាការខុសទាំងស្រុង ។
យ៉ាងណាក្តីលោកសុខ ឥសាន បានបញ្ជាក់ឲ្យដឹងនៅថ្ងៃទី២០ ឧសភា យ៉ាងដូច្នេះថា«ករណីកឹម សុខា គ្មានអ្នកណាចោទកឹម សុខាទេ តែកឹម សុខា បានបង្ហាញពិរុទ្ធភាពដោយខ្លួនឯងថាបានយកផែនការរបស់រដ្ឋាភិបាលសហរដ្ឋអាមេរិកមកអនុវត្តផ្តួលរំលំរាជរដ្ឋាភិបាលកម្ពុជា តាមគម្រូនៅប្រទេសយូហ្គោស្លាវី និងស៊ែបីដែលជាបទល្មើសនាំឲ្យតុលាការចាត់នីតិវិធីបានស្របតាមច្បាប់» ។
សូមជម្រាបថា ការលើកឡើងរបស់បក្សកាន់អំណាចនេះ បន្ទាប់ពីលោកអ៊ូ ចន្ទរ័ត្ម អតីតមន្ត្រីជាន់ខ្ពស់បក្សសង្គ្រោះជាតិបានលើកយ៉ាងដូច្នេះថា ការចោទប្រកាន់មកលើលោកកឹម សុខា ថាធ្វើ ឬមានបំណងធ្វើបដិវត្តន៍ពណ៌ ផ្តួលរំលំរដ្ឋាភិបាលប្រើអំពើហិង្សានោះ គឺជាការមិនពិតទាល់តែសោះ ។ លោកបន្តថា ការចោទនេះអាចជាការបំផ្លើសបន្លំ ឬការយល់ច្រឡំ ឬការចោទច្រឡំមនុស្ស ។ ព្រោះទាំងប្រជាពលរដ្ឋខ្មែរទាំងសហគមន៍អន្តរជាតិគេបានតាមដានទាំងសកម្មភាព និងសេចក្តីថ្លែងការណ៍នានារបស់លោកកឹមសុខា គឺគ្មានទេអំពើហិង្សា បដិវត្តន៍ពណ៌ ផ្តួលរំលំរដ្ឋាភិបាល ទាល់តែសោះ ។
ផ្ទុយទៅវិញលោកកឹម សុខា តែងតែណែនាំទាំងផ្ទៃក្នុងបក្សទាំងថ្លែងជាសាធារណៈ ដោយប្រកាន់យកនូវគោលការណ៍អហិង្សាមិនធ្វើបដិវត្តន៍ផ្លាស់ប្តរតាមរយៈការបោះឆ្នោតដោយសេរី ត្រឹមត្រូវ និងយុត្តិធម៌ ។ ជាមួយគ្នានោះដែរលោកក៏បាន ស្នើសុំ សូមសាធារណៈជនតាមដាននិងពិចារណា ។
សូមជម្រាបថាលោក កឹម សុខា អតីតប្រធានគណបក្សសង្គ្រោះជាតិត្រូវបានចាប់ខ្លួនដាក់ពន្ធនាគារ បន្ទាប់ពីបែកធ្លាយវិឌីអូសថា លោកធ្វើតាមការផែនការរបស់អាមេរិក ។ បច្ចុប្បន្ននេះ លោកកឹម សុខា បានកំពុងជាឃុំនៅក្នុងផ្ទះដោយអនុញ្ញាតឲ្យចេញក្រៅផ្ទះ និងជួមមនុស្សមួយចំនួមនោះទេ ។ បន្ទាប់ពីលោកត្រូវបានផ្ទេរពីពន្ទនាគារត្រពាំងថ្លុងខេត្តត្បូងឃ្មុំអស់ពេលជាច្រើនខែ ៕
ចែករំលែកព័តមាននេះ