ព្រះបរមសាស្តាទ្រង់ប្រារព្ធព្រះឧទាយិត្ថេរដែលជាភិក្ខុសម្បូររឿងអាស្រូវច្រើនក្នុងព្រះពុទ្ធសាសនា ។ សម័យមួយ ព្រះឧទាយិលោកបានទៅគង់នៅក្នុងធម្មសភាធ្វើដូចជាព្រះមហាថេរ ។ ពួកភិក្ខុអាគន្តុកៈបានឃើញលោកហើយសម្គាល់ថា ជាព្រះមហាថេរៈជាអ្នកចេះដឹងច្រើន ហើយបានសួរនូវបញ្ហាធម៌នឹងលោក។ ព្រះឧទាយិរកឆ្លើបញ្ហាធម៌មិនបានទាល់តែសោះ ។…
ព្រះបរមសាស្តាទ្រង់ប្រារព្ធព្រះឧទាយិត្ថេរដែលជាភិក្ខុសម្បូររឿងអាស្រូវច្រើនក្នុងព្រះពុទ្ធសាសនា ។
សម័យមួយ ព្រះឧទាយិលោកបានទៅគង់នៅក្នុងធម្មសភាធ្វើដូចជាព្រះមហាថេរ ។ ពួកភិក្ខុអាគន្តុកៈបានឃើញលោកហើយសម្គាល់ថា ជាព្រះមហាថេរៈជាអ្នកចេះដឹងច្រើន ហើយបានសួរនូវបញ្ហាធម៌នឹងលោក។ ព្រះឧទាយិរកឆ្លើបញ្ហាធម៌មិនបានទាល់តែសោះ ។
ពួកភិក្ខុអាគន្តុកៈទាំងនោះបានតិះដៀលថា ភិក្ខុអង្គនេះគង់នៅក្នុងវត្តជាមួយព្រះសាស្តាដែរ តែមិនដឹងនូវធម៌អាថ៌អ្វីបន្តិចសោះ ហើយនាំយករឿងនេះទៅក្រាបទូលដល់ព្រះសាស្តា ។
ព្រះសាស្តាទ្រង់ជ្រាបរឿងនោះហើយ ក៏ត្រាស់ថា៖ ជនពាលទោះបីចូលទៅអង្គុយជិតជាមួយនឹងបណ្ឌិតអស់មួយជីវិតក៏ដោយ តែក៏មិនដឹងច្បាស់នូវព្រះធម៌ដែរ ប្រៀបដូចជាវែកមិនស្គាល់រសជាតិសម្លក៏យ៉ាងនោះដែរ ។
ចែករំលែកព័តមាននេះ