រាជធានីភ្នំពេញ ៖ លោក គង់ គាំ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថាលោកសម រង្ស៊ី បានក្បត់វិញ្ញាញក្ខន្ធ និងអ្នករបួសក្នុងព្រឹត្តិការណ៍គប់គ្រាប់បែក កាលពីថ្ងៃទី៣០…
រាជធានីភ្នំពេញ ៖ លោក គង់ គាំ អតីតមន្ត្រីជាន់ខ្ពស់គណបក្សសង្គ្រោះជាតិបានអះអាងថាលោកសម រង្ស៊ី បានក្បត់វិញ្ញាញក្ខន្ធ និងអ្នករបួសក្នុងព្រឹត្តិការណ៍គប់គ្រាប់បែក កាលពីថ្ងៃទី៣០ ខែមីនា ឆ្នាំ១៩៩៧ ។ លោក គង់ គាំ បានលើកឡើងថ្ងៃ១៩ ខែឧសភានេះក្នុងសមាជគណបក្សឆន្ទៈខ្មែរថា លោកសម រង្ស៊ី ពេលចូលស្រុកវិញចង់ឲ្យមានព្រមព្រៀងដកពាក្យបណ្តឹងចំពោះបាតុករ២០នាក់ ស្លាប់ដោយសារបោកគ្រាប់បែក អតីតមុខរដ្ឋសភាដែលគាត់ប្តឹងរាល់អ្នកនៅពីក្រោយឃាតកម្ម ។
លោកគង់ គាំ ក៏បានអះអាងថា លោកសម រង្ស៊ី បានក្បត់វិញ្ញាណក្ខន្ធចំពោះអ្នកដែលស្លាប់នៅក្នុងព្រឹត្តិការណ៍គប់គ្រាប់បែកនៅមុខវិមានរដ្ឋសភាចាស់ កាលពីថ្ងៃទី៣០ ខែមិនា ឆ្នាំ១៩៩៧ ។ លោកបញ្ជាក់ថា«មានពេលមួយនោះគាត់រត់ចោលទៅក្រៅប្រទេសដោយសារតែតុលាការដូចគ្នា ហើយវិលចូលមកវិញចង់ឲ្យដកពាក្យបណ្តឹង កាលហ្នឹងមានបាតុកម្មជាង២០នាក់បានស្លាប់ ដោយសារបោកគ្រាប់បែក នៅមុខអតីតរដ្ឋសភាចាស់ គាត់ប្តឹងរាល់អ្នកនៅពីក្រោយឃាតកម្មនឹង បើគាត់ចូលមកគាត់ដកពាក្យប្តឹងនឹងចេញ ។
ដូច្នេះគាត់ក្បត់វិញ្ញាណក្ខន្ធអ្នកដែលស្លាប់នៅថ្ងៃទី៣០ ខែមីនា ឆ្នាំ១៩៩៧ ដែលបង្ហាញថា អំពើថោកទាប ។ អតីតមន្ត្រីជាន់ខ្ពសបក្សប្រឆាំំងក៏បានអះអាងថា លោកសម រង្ស៊ី បានយល់ព្រមធ្វើវិសោធនកម្មគោលការណ៍ប្រជាធិបតេយ្យដែលច្បាប់បានកំណត់ថា ត្រូវតែមានសម្លេង ២ភាគ៣ គាត់ស្នើសុំឲ្យនៅត្រឹម៥០បូក១ ហើយធ្វើឲ្យគណបក្សកាន់អំណាចមានលទ្ធភាពវិសោធនកម្មច្បាប់ស្រេចតែចិត្តរហូតមកដល់សព្វថ្ងៃនេះ ។ ជាមួយគ្នានោះដែរលោកបញ្ជាក់ថា«សម រង្ស៊ី បានសម្លាប់ប្រជាធិបតេយ្យតាំងពីរហូតមកហើយ ។ អីញ្ចឹងទេ សុំកុំឲ្យគាត់បៀមឈាមព្រោះដាក់គេ ។ សុំចេញទទួលខុសផងខ្លះទៅ ។ លោកបន្ថែមលោកមានសិទ្ធិទទួលបានសិទ្ធិធ្វើនយោបាយវិញមានសិទ្ធិនិយាយខុសពីពួកគាត់គ្មានសិទ្ធិនិយាយ ។
លោកក៏បានបញ្ជាក់ថា «សូមកុំជឿ សូមកុំចាំ សូមកុំជួយមនុស្សខូចក្រុមសម រង្ស៊ី ។ ព្រោះថា ជឿមិនបានទេ ២ឆ្នាំហើយថា ថ្ងៃនេះមក ថ្ងៃនោះមក ហើយគ្មានពេលមកទេ ។ គាត់ថា! មានកិត្តិយសណាស់ជាប់ពន្ធនាគារ ដូច្នេះគាត់ជាប់ទោសច្រើនឆ្នាំជាង១០០ឆ្នាំហើយ អីញ្ចឹងគាត់ចូលម៉េចកើត ។ ចូលមកហ៊ុន សែន ចាប់គាត់ តែគាត់និយាយថា មកចាប់ ហ៊ុន សែន វិញ »៕
ចែករំលែកព័តមាននេះ