រាជធានីភ្នំពេញ ៖ បុរសម្នាក់បើកបរម៉ូតូក្នុងល្បឿនលឿនជ្រុលទៅបុកគូទរថយន្តមួយគ្រឿងដែលខូចចតចោល ដោយមិនមានដាក់ស្លាកសញ្ញាសម្គាល់ បណ្ដាលឲ្យអ្នកបើកបរម៉ូតូបោកក្បាលស្លាប់យ៉ាងអាណោចអាធ័ម ។ ហេតុការណ៍គ្រោះថ្នាក់ចរាចរណ៍ខាងលើនេះបង្កការភ្ញាក់ផ្អើលដល់អ្នកដំណើរ កាលពីវេលាម៉ោង១១និង១០នាទីយប់ ថ្ងៃទី១៨ ខែឧសភា…
រាជធានីភ្នំពេញ ៖ បុរសម្នាក់បើកបរម៉ូតូក្នុងល្បឿនលឿនជ្រុលទៅបុកគូទរថយន្តមួយគ្រឿងដែលខូចចតចោល ដោយមិនមានដាក់ស្លាកសញ្ញាសម្គាល់ បណ្ដាលឲ្យអ្នកបើកបរម៉ូតូបោកក្បាលស្លាប់យ៉ាងអាណោចអាធ័ម ។
ហេតុការណ៍គ្រោះថ្នាក់ចរាចរណ៍ខាងលើនេះបង្កការភ្ញាក់ផ្អើលដល់អ្នកដំណើរ កាលពីវេលាម៉ោង១១និង១០នាទីយប់ ថ្ងៃទី១៨ ខែឧសភា ឆ្នាំ២០១៩ នៅលើផ្លូវ២១៧ ស្ថិតក្នុងភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ ។
ជនរងគ្រោះដែលស្លាប់ ឈ្មោះនៅ វីរៈ ភេទប្រុស អាយ២៩ឆ្នាំ មុខរបបុគ្គលិកចាក់សាំង ស្នាក់នៅភូមិប្រកា សង្កាត់ព្រៃស ខណ្ឌដង្កោ និងមានស្រុកកំណើតនៅភូមិព្រៃម្លង ឃុំព្រៃខ្លា ស្រុកកោះអណ្ដែត ខេត្តតាកែវ ជាអ្នកបើកបរម៉ូតូមួយគ្រឿងម៉ាកស្មាសរីវ៉ូ ពណ៌ក្រហមលាយខ្មៅ ពាក់ស្លាកលេខ សៀមរាប ១J-៣២៧១។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញមានរថយន្តស្ទូចមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ ៣C-២៣៦៦ ដែលខូចចតនៅកណ្ដាលផ្លូវ ហើយម្ចាស់រថយន្តមិនបានដាក់ស្លាកសញ្ញាអ្វីជាសម្គាល់នោះទេ ។
តាមប្រភពដដែលបានបន្តថា លុះមកដល់វេលាម៉ោងកើតហេតុ ស្រាប់តែជនរងគ្រោះខាងលើបានបើកបរម៉ូតូមួយគ្រឿងម៉ាកស្មាសរីវ៉ូធ្វើដំណើរតាមបណ្ដោយផ្លូវ២១៧ទិសដៅពីត្បួងទៅជើងក្នុងល្បឿនយ៉ាងលឿន មិ ក៏ជ្រុលទៅបុករថយន្តចំពីក្រោយពេញទំហឹង បណ្ដាលឲ្យអ្នកបើកបរម៉ូតូបោកក្បាលនឹងថ្នល់ស្លាប់យ៉ាងអាណោចអាធ័ម។
ក្រោយពេលកើតហេតុ កម្លាំងសមត្ថកិច្ចប៉ុស្តិ៍ស្ទឹងមានជ័យទី២ បានចុះមកដល់ទីតាំងកើតហេតុ រួចទាក់ទងទៅកម្លាំងសមត្ថកិច្ចជំនាញខណ្ឌមានជ័យដើម្បីចុះមកធ្វើកំណត់ហេតុ រួចទាក់ទងទៅកម្លាំងសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះធ្វើការវាស់វែងអូសយករថយន្ដ និងម៉ូតូទៅរក្សាទុក ដើម្បីដោះស្រាយគ្នានៅពេលក្រោយ ចំណែកសពជនរងគ្រោះត្រូវបានសមត្ថកិច្ចធ្វើកំណត់ហេតុរួចប្រគល់ទៅឲ្យក្រុមគ្រួសារសាច់ញាតិដើម្បីយកទៅធ្វើបណ្យតាមប្រពៃណី ៕
ចែករំលែកព័តមាននេះ