កំពុងខ្លាចបាត់បង់«បឹងចាក់ខ្លាញ់»នេះខ្លាំងណាស់…
- ព្រៃវែង
ខេត្តព្រៃវែង ៖ «បឹងចាក់ខ្លាញ់» គឺជាបឹងដ៏ធំមួយ ដែលមានអាយុកាលរាប់រយឆ្នាំមកហើយ ស្ថិតនៅក្នុងភូមិចាក់ខ្លាញ់ ឃុំពាមរក៍ ស្រុកពាមរក៌ ខេត្តព្រៃវែង ។…
ខេត្តព្រៃវែង ៖ «បឹងចាក់ខ្លាញ់» គឺជាបឹងដ៏ធំមួយ ដែលមានអាយុកាលរាប់រយឆ្នាំមកហើយ ស្ថិតនៅក្នុងភូមិចាក់ខ្លាញ់ ឃុំពាមរក៍ ស្រុកពាមរក៌ ខេត្តព្រៃវែង ។…
ខេត្តព្រៃវែង ៖ «បឹងចាក់ខ្លាញ់» គឺជាបឹងដ៏ធំមួយ ដែលមានអាយុកាលរាប់រយឆ្នាំមកហើយ ស្ថិតនៅក្នុងភូមិចាក់ខ្លាញ់ ឃុំពាមរក៍ ស្រុកពាមរក៌ ខេត្តព្រៃវែង ។ បឹងនេះ គឺជាប្រភពទឹកដ៏សំខាន់ សំរាប់ការងារធ្វើស្រែចំការ របស់បងប្អូនប្រជាពលរដ្ឋនៅភូមិចាក់ខ្លាញ់ ប៉ុន្តែមកដល់ពេលបច្ចុប្បន្ន បឹងនេះបានចាប់គោករាក់ និងត្រូវបានគេរំលោភតាមរយៈការជីកស្រះចិញ្ចឹមត្រីជាង១០០ស្រះនៅក្នុងបឹងនេះទៅហើយ។
ពលរដ្ឋនៅភូមិចាក់ខ្លាញ់បានលើកឡើងថា បច្ចុប្បន្ននេះ ពួកគាត់មានការព្រួយបារម្ភណាស់ គឺខ្លាចបឹងនេះក្លាយទៅជាកម្មសិទ្ធិបុគ្គលអស់ ពួកគាត់ច្បាស់ជាលែងមានទឹកធ្វើស្រែទៀតហើយ ។ សព្វថ្ងៃនេះនៅក្នុងបឹងចាក់ខ្លាញ់ទាំងមូល មានស្រះចិញ្ចឹមត្រីរហូតដល់ទៅ១៣២ស្រះទៅហើយ ហើយម្ចាស់ស្រះទាំងនោះសុទ្ធតែជាជនជាតិវៀតណាម ពុំមានខ្មែរឡើយ ទើបធ្វើអោយពួកគាត់មានការព្រួយបារម្ភជាខ្លាំង និងបានស្នើសុំទៅខាងអាជ្ញាធរឱ្យជួយអន្តរាគមផងដែរ ប៉ុន្តែកន្លងមកទា ំងអាជ្ញាធរ និងមន្ត្រីជំនាញ បានត្រឹមតែកោះប្រជុំពិភាក្សារកដំណោះស្រាយ រហូតដល់មានការផ្លាស់ប្តូរអភិបាលខេត្ត អភិបាលស្រុក ពីមួយទៅមួយអស់ជាច្រើននាក់ អស់រយៈពេលជាច្រើនឆ្នាំ ចុងក្រោយបានត្រឹមស្ងាត់ឈឹង នៅតែគ្មានលទ្ធផលដដែល ហើយពេលនេះជនជាតិវៀតណាមទាំងនោះ កំពុងជីកស្រះបន្ថែមនៅក្នុងបឹងចាក់ខ្លាញ់នេះទៀតហើយ តែពុំឃើញមានអាជ្ញាធរណាទប់ស្កាត់ទេ។
ជុំវិញបញ្ហានេះ លោក អឿ លុច មេឃុំពាមរក៌ បានអោយកោះសន្តិភាពដឹងថា រឿងជនជាតិវៀតណាមជីកស្រះចិញ្ចឹមត្រីនោះ គឺជាការពិតមែន ប៉ុន្តែក្នុងចំណោម១៣២ស្រះនោះ បានចូលក្នុងដីបឹងតែ២៦ស្រះប៉ុណ្ណោះ ហើយការជីកស្រះនោះគឺតាំងពីអាណត្តិមេឃុំមេស្រុកមុនមកម្លេះ មិនមែនអាណត្តិលោកទេ លោកគឺជាអ្នកទទួលថ្មបាក់ប៉ុណ្ណោះ ។ លោកមេឃុំបានបញ្ជាក់ថា រឿងស្រះត្រីនេះកន្លងមក គណៈកម្មការខេត្តបានចុះមកសិក្សា និងប្រជុំរកដំណោះស្រាយដែរ ប៉ុន្តែក្រោយពីអភិបាលរងខេត្តលោក កែវ សេន ជាប្រធានដឹកនាំបានស្លាប់បាត់ទៅ រឿងនេះក៏ស្ងាត់ឈឹង មន្ត្រីជំនាញធនធានទឹកមិនឃើញចុះមកបោះបង្គោលកំណត់ព្រំបឹង ដូច្នេះហើយទើបអាជ្ញាធរ ពិបាកក្នុងការរក្សាការពារ ព្រោះមិនដឹងដីបឹងត្រឹមណា។
ដោយឡែក ចំពោះជនជាតិវៀតណាម ដែលកំពុងជីកស្រះថ្មីបន្ថែមទៀតនោះ លោកមេឃុំអះអាងថា លោកព្យាយាមហាមឃាត់ដែរ តែឃាត់មិនឈ្នះពិបាកណាស់ យើងទៅឃាត់ពេលព្រឹក គេលួចជីកថ្ងៃ យើងឃាត់ពេលថ្ងៃ គេលួចជីកយប់ ឃាត់មិនឈ្នះទេ…….! ប៉ុន្តែបើតាមប្រភពក្រៅផ្លូវការមួយ ពីក្រុមជនជាតិវៀតណាមទាំងនោះ បាននិយាយថា ពួកគេអាចជីកស្រះចិញ្ចឹមត្រីនៅក្នុងបឹងចាក់ខ្លាញ់នេះបាន គឺដោយសារបានបង់លុយអោយខាងអាជ្ញាធរ១ឆ្នាំ១ពាន់ដុល្លារ សំរាប់ស្រះត្រី១ តើនេះជាការពិតទេ?
ប្រភពផ្សេងទៀតព ីមន្ត្រីនៅក្នុងស្រុកពាមរក៍នេះ បានបង្ហើបអោយដឹងថា បើជនជាតិវៀតណាមទាំងនោះមិនបានបង់លុយអោយទេ ក៏គេមិនបណ្តោយអោយជីកស្រះចិញ្ចឹមត្រី នៅក្នុងដីបឹងធម្មជាតិបានយ៉ាងរលូតបែបនេះដែរ ប៉ុន្តែរឿងចឹងចឹង អ្នកណាហ៊ាននិយាយ បើសូម្បីតែលោកមេភូមិ ក៏ត្រូវបានគេហៅទៅស្តីបន្ទោសដែរ ដោយចោទថា ផ្តល់ព័ត៌មានអោយអ្នកកាសែត អំពីរឿងបឹងចាក់ខ្លាញ់នេះ ទាំងដែលគេខំបិតបាំង….. ( Sec )។
ដោយឡែក លោកស្រី សេង ទៀង អភិបាលស្រុកពាមរក៌ បានអោយដឹងដែរថា រឿងជនជាតិវៀតណាមជីកស្រះចិញ្ចឹមត្រី នៅក្នុងដីបឹងចាក់ខ្លាញ់នេះ គឺបានកើតមានច្រើនឆ្នាំមកហើយ ហើយខាងអាជ្ញាធរ ទាំងស្រុកនិងខេត្តក៏ព្យាយាមដោះស្រាយដែរ ដោយកាលពីលោក កែវ សេន អភិបាលរងខេត្តនៅរស់ ធ្លាប់បានកោះហៅជនជាតិវៀតណាមទាំងនោះមកប្រជុំ និងបានកំណត់ថ្ងៃអោយពួកគេលុបស្រីទាំងនោះវិញដែរ ប៉ុន្តែក្រោយពីលោក កែវ សេន ស្លាប់ទៅ ការងារនេះក៏បានស្ងាត់ទៅវិញដែរ ចំណែកខាងស្រុកបានត្រឹមរងចាំមើលចំណាត់ការបន្តពីខាងខេត្តប៉ុណ្ណោះ។
រីឯលោក ចាន់ រ៉ាន់ អភិបាលរងខេត្ត និងជាប្រធានគណៈកម្មការដោះស្រាយទំនាស់ដីធ្លី បានអោយដឹងថា តាំងពីលោកទទួលតួនាទីនេះបន្តពីលោក កែវ សេន មកដល់ពេលនេះលោកនៅមិនទាន់បានដឹងពត៌មាន ទាក់ទងទៅនិងដីបឹងចាក់ខ្លាញ់នេះទេ ប៉ុន្តែលោកធ្លាប់បានបញ្ជាទៅថ្នាក់ឃុំនិងស្រុក អោយបញ្ជូនរបាយការណ៌មកអោយលោកដែរ ដើម្បីសិក្សាពីសាវតានិងរកដំណោះស្រាយ តែរហូតមកដល់ពេលនេះ លោកមិនទាន់ទទួលបានរបាយការណ៌នេះទេ ចាំមើលលោកសួរនាំទៅខាងឃុំនិងស្រុកសិន បើមានពត៌មានយ៉ាងណា លោកនិងផ្តល់ពត៌មានបន្ថែមទៀតនៅពេលក្រោយ។
ចែករំលែកព័តមាននេះ