ខេត្តកំពង់ឆ្នាំង ៖ រថយន្តដឹកឈើប្រណីតលើផ្លូវជាតិលេខ៥ នៅតែមានសកម្មភាពជារៀងរាល់យប់ ខណៈដែលសមត្ថកិច្ចត្រូវបានគេមើលឃើញថា មានការបង្ក្រាបបានតិចតួចប៉ុណ្ណោះ ។
ជាក់ស្តែងកាលពីវេលាម៉ោង១១ និង៥៥នាទីយប់ថ្ងៃទី២១ វិច្ឆិកា ២០១៣ ស្ថិតនៅចំណុចផ្លូវច្រមុះជ្រូកត្រពាំងគង ក្នុងភូមិទី១ សង្កាត់ខ្សាម ក្រុងកំពង់ឆ្នាំង សមត្ថកិច្ចខណ្ឌរដ្ឋបាលព្រៃឈើកំពង់ឆ្នាំង សហការជាមួយសមត្ថកិច្ចនគរបាលប្រឆាំងបទល្មើសសេដ្ឋកិច្ចខេត្ត បានប្រើប្រាស់រថយន្ត៦គ្រឿង ធ្វើការប្រដេញស្ទាក់ចាប់បានរថយន្ត ISUZU មួយគ្រឿងដឹកឈើប្រណីតប្រភេទនាងនួនដុំធំៗប្រមាណ២ម៉ែត្រគូប យកមករក្សាទុកនៅខណ្ឌរដ្ឋបាលព្រៃឈើមួយយប់ ដើម្បីទុកវាស់វែង ។
នៅព្រឹកថ្ងៃទី២២ វិច្ឆិកា នេះ លោកពេញ វិបុល ព្រះរាជអាជ្ញាអមសាលាដំបូងខេត្តកំពង់ឆ្នាំង បានដឹកនាំមន្ត្រីជំនាញធ្វើការវាស់វែងឈើប្រណីតទាំងនោះ ដោយមានមន្ត្រីនគរបាលសេដ្ឋកិច្ចខេត្តចូលរួមផងដែរ ដែលឈើប្រណីតប្រភេទនាងនួននោះ ដោយមានមន្ត្រីនគរបាលសេដ្ឋកិច្ចខេត្តចូលរួមផងដែរ ដែលឈើប្រណីតប្រភេទនាង នួន នោះ សរុបមានចំនួន៦៤ដុំ ស្មើនិងប្រមាណជាង២ម៉ែត្រគូប។
ចែករំលែកព័តមាននេះ