មីងសំរអ៊ូរទាំដូចឃ្មុំដាក់ប្ដីឈ្មោះ សយ ដែលរត់ម៉ូតូឌុបមិនឃើញបានលុយច្រើនសោះ រកតែសន្សំលុយកាក់ខ្លះៗក៏មិនបាន ។ ពូសយឮហាក់ដូចជាសង្កៀរត្រចៀកពេកទើបលូកមាត់ ពូសយៈ ម៉ែវាអើយម៉ែវា! ឯងក៏ដឹងហើយថា អ្វីៗឡើងថ្លៃតាមសាំងទាំងអស់ តែពេលសាំងចុះគ្មានអ្នកណាចុះថ្លៃអីបន្ដិចតាមសាំងទេ!
មីងសមៈ អើ! តាបិុឯងដឹងអីុចឹងល្អហើយ! តែឯងឱ្យលុយខ្ញុំមួយថ្ងៃតែពីរម៉ឺនរៀល ។ កាលសាំងថោកក៏ពីរម៉ឺនរៀល ដល់សាំងថ្លៃក៏នៅតែពីរម៉ឺនរៀលដដែល? ម៉េចមិនដំឡើងថ្លៃតាមសាំងផង?
ពូសយៈ យី! ម៉េចក៏ថាខ្ញុំមិនដំឡើងថ្លៃ? ប៉ុន្ដែចាក់សាំងក៏ថ្លៃ ធ្វើម៉ូតូក៏ថ្លៃជាងមុន ខ្ញុំទិញអីហូបក៏ថ្លៃជាងមុន ។
មីងសមៈ ចា៎ស! លោកប្ដីអើយលោកប្ដី! កោតតែចេះនិយាយអីុចឹងទៅកើត? ចុះស្នាមកោសជប់លើខ្លួននោះបានលុយមកពីណាឱ្យស្រី?
ពូសយៈ បាទ! ម៉ែប្រពន្ធ! អារឿងហ្នឹងខ្ញុំខុសហើយ តែយូរៗម្ដងទេណា៎!
មីងសមៈ ហឹុះ! ពេលតាមទាន់ថាម្ដង ចុះអាខ្ញុំមិនដឹងនោះមិនដឹងប៉ុន្មានដងទៅ? អីុចឹងហើយបានឃើញតែពីរម៉ឺុនរៀលដដែល មិនឡើងតាមសាំងអីសោះ?
ពូសយៈ ហើយចុះម៉ែវាឯងដឹងស្រាប់ហើយតើ! សាំងឡើងថ្លៃអ្វីៗក៏ឡើងដែរ ម៉ាស្សាក៏ឡើងថ្លៃដែរ???
មីងសមៈ ហ្នឹងហើយៗ! បានជាមួយថ្ងៃបានតែពីរម៉ឺនរៀលដដែលនោះ! ឥឡូវមែន! ខ្ញុំចង់តែស៊ីសាច់ទេឪវាឯងនេះ!
ពូសយៈ អូយៗ! ម៉ែប្រពន្ធអើយម៉ែប្រពន្ធ! តាមពិតខ្ញុំចង់ដំឡើងថ្លៃតាមសាំងឱ្យម៉ែវាឯងដែរ តែខ្លាច…???
មីងសមៈ ខ្លាចអី! ខ្លាចមិនបានទៅណេះណោះ ស្រីៗមែនទេអ្ហា? ដាច់ភ្លៅឥឡូវហើយខ្ញុំ!
ពូសយៈ អត់ទេៗ ម៉ែវា! អត់ខ្លាចអីុចឹងទេ គឺខ្ញុំខ្លាចម៉ែវាឯងដូចម្ហូបហ្នឹងណា៎!
មីងសមៈ យី! …ខ្លាចខ្ញុំដូចម្ហូបយ៉ាងម៉េច? ចង់ថាខ្ញុំហ្នឹងជាបន្លែត្រីសាច់មែនទេ?
ពូសយៈ មែនហើយ! ម៉ែប្រពន្ធ គឺខ្លាចខ្ញុំឡើងថ្លៃតាមសាំងឱ្យហើយ…អត់ចុះវិញ…ដូចម្ហូបអីុចឹងណា!!!
មីងសមៈ អុញ! មើលគាត់?
និពន្ធដោយ ញឹម សាវុធ
ចែករំលែកព័តមាននេះ