បន្ទាយមានជ័យ ៖ ប្រធានមន្ទីកសិកម្មរុក្ខាប្រម៉ាញ់ និងនេសាទខេត្តថា ឆ្នាំ២០១៩នេះ ការបង្កបង្កើនផលមានការយឿតយ៉ាវជាងឆ្នាំ២០១៨ កន្លងមក ដោយភ្លៀងទើបមានពាក់កណ្តាលខែឧសភានេះ ។
លោកប៉ាង វណ្ណាសេដ្ឋ ប្រធានមន្ទីរកសិកម្មរុក្ខាប្រម៉ាញ់ និងនេសាទខេត្តបន្ទាយមានជ័យបានប្រាប់នៅល្ងាចថ្ងៃទី១៥ ខែឧសភា ឆ្នាំ២០១៩ថា ខេត្តបន្ទាយមានជ័យ មានផ្ទៃដីបង្កបង្កើនផលមានសរុបចំនួន២៤៥.៦០២ហិកតា ដោយឡែកនៅឆ្នាំ២០១៩នេះ បង្កបង្កើនផលដែលព្យួរដាស់ដីបានប្រមាណជាង៧ម៉ឺនហិកតា និងព្រួសរួច និងដុះមានប្រមាណជាង២ម៉ឺនហិកតា បើប្រៀបធៀបឆ្នាំ២០១៨កន្លងទៅរហូតដល់ខែឧសភានេះ ការបង្កបង្កើនផលបានប្រមាណ៥០%តែឆ្នាំ២០១៩នេះបង្កបង្កើនផលទើបបានប្រមាណ១០% មានការយឺតយ៉ាងជាងឆ្នាំមុន ដោយភ្លៀងទើបមាននៅអំឡុងពាក់កណ្តាលខែឧសភានេះ ។
លោកបានបញ្ជាក់ថា ការបង្កបង្កើនផលឆ្នាំ២០១៩នេះ ប្រជាកសិករអាចធ្វើស្រូវដើមរដូវ ឬស្រូវស្រាលច្រើនជាងឆ្នាំ២០១៨ កន្លងទៅ ព្រោះឆ្នាំកន្លងទៅស្រូវស្រាលប្រភេទស្រូវសែនក្រអូប គឺលក់បានថ្លៃដំបូងលក់ក្នុង១តោនបានតម្លៃជិត៣០០ដុល្លារ ហើយប្រមូលផលបានសរុបចំនួន២៤៥.៦០២ហិកតា ទទួលបរិមាណផលបាន៧២១.១៨២តោន ។
ដោយឡែកប្រជាកសិករបានប្រាប់ថា ឆ្នាំ២០១៩នេះបង្កបង្កើនផលពិតជាលំបាកដោយជាទំលាប់ ក្រោយពេលបុណ្យចូលឆ្នាំថ្មីប្រពៃណីយខ្មែរ ហើយប្រជាកសិករតែងតែនាំគ្នាដាស់ដីហើយភ្ជួរព្រោះតែឆ្នាំនេះអ្នកព្រោះស្រូវដើមដៃដោយអាកាសធាតុមិនអំណោយផលគ្មានភ្លៀងបណ្តាលស្រូវដែលព្រោះហើយជាងកន្លះខែដែលព្រួសរាស់លុបត្រូវបានខូចអស់តែអ្នកដែលភ្ជួរព្រួសហាលវិញអាចបានដុះពាក់កណ្តាលអ្នកដែលខូចពិបាកភ្ជួរ ហើយព្រួសម្តងទៀតទើបត្រូវភ្លៀងអាចដុះបាន ៕
ចែករំលែកព័តមាននេះ