Samsung ប្រកាសពីការត្រលប់មកវិញនៃ Galaxy Fold
Galaxy Note 10 របស់ Samsung ប្រៀបបានជាស្មាតហ្វូនដែលល្អជាងគេសម្រាប់ឆ្នាំ ២០១៩ពិតមែនក្តី ប៉ុន្តែ Galaxy Fold…
Galaxy Note 10 របស់ Samsung ប្រៀបបានជាស្មាតហ្វូនដែលល្អជាងគេសម្រាប់ឆ្នាំ ២០១៩ពិតមែនក្តី ប៉ុន្តែ Galaxy Fold…
Galaxy Note 10 របស់ Samsung ប្រៀបបានជាស្មាតហ្វូនដែលល្អជាងគេសម្រាប់ឆ្នាំ ២០១៩ពិតមែនក្តី ប៉ុន្តែ Galaxy Fold កំពុងតែត្រលប់មកវិញដើម្បីដណ្តើមឈ្មោះនេះហើយ។
លោក Koh Dong-jin ដែលជានាយកប្រតិបត្តិរបស់ក្រុមហ៊ុន Samsung បាននិយាយប្រាប់ដល់ The Korea Herald ថា Galaxy Fold នឹងត្រលប់មកវិញបន្ទាប់ពីក្រុមហ៊ុនបានប្រកាសពីការលុបការកម្ម៉ង់កាលពីសប្តាហ៍មុន ។
ពេលដែលត្រូវបានចោទជាសំណួរថាតើ Galaxy Fold អាចនឹងត្រូវបានចេញលក់លើទីផ្សារនៅចុងខែឧសភានេះទេ លោក Koh បាននិយាយថា «ពួកយើងមិនត្រលប់មកវិញយឺតពេលពេកទេ»។ វាគឺជាឱកាសទីពីរសម្រាប់ Samsung បន្ទាប់ពីស្មាតហ្វូនដែលអាចបត់បែនបានជួបប្រទះឧបសគ្គជាច្រើនក្នុងកំឡុងពេលប៉ុន្មានសប្តាហ៍កន្លងមកនេះ ។
Samsung បានប្រកាសពីស្មាតហ្វូននេះដំបូងនៅខែកុម្ភៈ ហើយពួកគេបានជួបនឹងឧបសគ្គនៅខែមេសាបន្ទាប់ពីមានការរាយការណ៍មកថា Galaxy Fold មានបញ្ហា។ បន្ទាប់ពីរុញច្រានការរាយការណ៍ទាំងនេះ Samsung បានព្យាយាមការពារខ្លួនឯងនិងទាមទារឲ្យអតិថិជនផ្ញើ Galaxy Fold ទៅក្រុមហ៊ុនវិញ ព្រមទាំងបញ្ឈប់ការកម្ម៉ង់របស់អតិថិជនកាលពីសប្តាហ៍មុនផងដែរ ។
ស្ថានការនេះបានបង្កឲ្យមានការរិះគន់និងលេងសើងជាច្រើន ប៉ុន្តែពាក្យពេចន៍របស់លោក Koh នៅតែជាពត៌មានល្អមួយដដែល។ ស្មាតហ្វូនដែលអាចបត់បែនបានមានសក្តានុពលក្នុងការជួយលើកស្ទួយដល់ទីផ្សារស្មាតហ្វូនវិញ ។ ប្រាកដណាស់ Galaxy Fold ជាផលិតផលជំនាន់ទីមួយដែលអាចនឹងមានបញ្ហាច្រើន ប៉ុន្តែវាក៏ជាស្មាតហ្វូនដែលមានចំណុចពិសេសៗច្រើនជាងគេប្រចាំឆ្នាំដែរ ៕
ចែករំលែកព័តមាននេះ