ខេត្តកំពត ៖ ខេត្តកំពតបានក្លាយជាខេត្តមួយដែលមានសក្តានុពលផ្នែកទេសចរណ៍ខ្លាំង ក្នុងនោះក៏មានតំបន់រមណីដ្ឋានធម្មជាតិជាច្រើនកន្លែង សំរាប់ទទួលបងប្អូនភ្ញៀវជាតិ និងអន្តរជាតិ មកទស្សនាលេងកម្សាន្តដែលមានចំនួនច្រើនគួរឱ្យកត់សម្គាល់ ។ ជាក់ស្តែង គឺក្នុងឱកាសបុណ្យចម្រើនព្រះជន្ម ព្រះករុ
ណាព្រះបាទ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជារយៈពេល៣ថ្ងៃ គឺឃើញ
មានបងប្អូនបានឈប់សំរាក ដោយនាំគ្នាធ្វើដំណើរកំសាន្ត ជាលក្ខណៈគ្រួសារទៅតាមខេត្ត-ក្រុងនានា ។
សម្រាប់នៅខេត្តកំពតនេះ គឺឃើញមានភ្ញៀវជាតិ និងអន្តរជាតិ នាំគ្នាទៅលេងកំសាន្តតាមតំបន់រមណីយដ្ឋាននានាដូចជា ៖ រមណីឋានកំពតឋានសួគ៌ (បូកគោ) ទោះបីជាធាតុអាកាសក្តៅបន្តិច តែយ៉ាងណាក៏
នៅតំបន់នេះមានភាពត្រជាក់ និងខ្យល់អាកាសបរិសុទ្ឋល្អណាស់, រមណីយដ្ឋានកោះតាដា, រមណីយដ្ឋានធម្មជាតិទឹកឈូ, រមណីយដ្ឋានធម្មជាតិដូងទេរ, រមណីយដ្ឋានអន្លង់ធំ, ណាតាយ៉ារីសត ព្រែកអំពិលរម
ណីយដ្ឋានភ្នំដូង ស្ថិតក្នុងសង្កាត់ត្រើយកោះក្រុងកំពត, កន្លែងកំសាន្តទំនប់ (ប្រទាក់ក្រឡាក្នុងស្រុកទឹកឈូ), កន្លែងហែលទឹកកំសាន្តនិងបាយឡុកបាយឡ ដែលមានទីតាំងជាប់គ្នានិងកន្លែងកំសាន្តដូងទេរ ស្ថិតក្នុងឃុំម៉ាក់ប្រាង្គ ស្រុកទឹក ឈូ និងមានរមណីយឋានជាច្រើនកន្លែង ដែលទើបនិងបង្កើតថ្មីៗនៅក្នុងតំបន់ទេស នៃទឹកដីខេត្តកំពតនេះផងដែរ។
បើតាមលោក សយ ស៊ីណុល ប្រធានមន្ទីរទេសចរណ៍ខេត្តបានប្រាប់កោះសន្តិភាពថា នៅថ្ងៃទី១ ឧសភា ខេត្តកំពតមានភ្ញៀវទេសចរជាតិ និងអន្តរជាតិសរុបចំនួន២៨,៨៥៧នាក់ ក្នុងនោះភ្ញៀវក្នុងស្រុក មានចំនួន ២៨,១០២នាក់ ភ្ញៀវអន្តរជាតិមានចំនួន៧៥៥នាក់ ។ ជាមួយគ្នានេះ សំរាប់យានយន្តគ្រប់ប្រភេទ ជាមធ្យោបាយរបស់ភ្ញៀវសរុបមាន ៖ រថយន្តតូចចំនួន២៧ ០៩គ្រឿង រថយន្តតូរីសចំនួន ៦៩៤គ្រឿង និងរថយន្តក្រុងចំនួន៨២គ្រឿង ។
ចែករំលែកព័តមាននេះ