រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសឲ្យមន្ត្រីថ្នាក់ជាតិចុះតាមមូលដ្ឋានផ្សព្វផ្សាយដល់ប្រជាពលរដ្ឋ កុំជឿការប្រកាសចូលស្រុករបស់ទណ្ឌិត សម រង្ស៊ី ក្នុងការចូលស្រុកនៅឆ្នាំ២០១៩នេះ។ ការប្រកាសរបស់សម្តេចតេជោ ហ៊ុន សែន ធ្វើឡើងបន្ទាប់ពីទណ្ឌិត សម រង្ស៊ី ដែលរស់នៅក្រៅប្រទេសបានស្រែកជារឿយៗថា នឹងវិលមកស្រុកខ្មែរវិញនៅក្នុងឆ្នាំ២០១៩ នេះ ។
យោងតាមលិខិតមួយសន្លឹករបស់សម្តេចតេជោ ជម្រាបទៅកាន់មន្ត្រីថ្នាក់ជាតិចូល មូលដ្ឋានរាជធានី-ខេត្ត អំពីការផ្សព្វផ្សាយអប់រំប្រជាពលរដ្ឋដើម្បីពង្រឹងការគ្រប់គ្រងសភាពការណ៍ តាមមូលដ្ឋានទូទាំងប្រទេសចេញផ្សាយកាលពីពេលថ្មីៗកន្លងមកនេះបានឲ្យដឹងថា កន្លងមកនេះ ទណ្ឌិតសម រង្ស៊ី បានប្រកាសជាបន្តបន្ទាប់អំពីគម្រោងផែនការវិលត្រលប់ចូលកម្ពុជាក្នុងឆ្នាំ២០១៩នេះ ក្នុងគោលបំណងដឹកនាំការធ្វើបដិវត្តន៍ពណ៌ជាថ្មី ដោយបានអំពាវនាវដល់កងក ម្លាំងប្រដាប់អាវុធ និងប្រជាពលរដ្ឋឲ្យធ្វើការផ្តួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោតដោយសេរីត្រឹមត្រូវ និងយុត្តិធម៌ ស្របតាមគោលការណ៍លទ្ធិប្រជាធិបតេយ្យ សេរីពហុបក្ស។
លិខិតរបស់សម្តេចតេជោ ហ៊ុន សែន បានចាត់ទុកសកម្មភាពរបស់ទណ្ឌិត សម រង្ស៊ី ជាការរំលោភបំពានយ៉ាងធ្ងន់ធ្ងរមកលើរដ្ឋធម្មនុញ្ញ និងច្បាប់នានាជាធរមាននៃព្រះរាជាណាចក្រកម្ពុជា ដែលអាចនាំប្រទេសជាតិឲ្យធ្លាក់ក្នុងវិបត្តិភាពចលាចល វឹកវរ ដែលមិនអាចប៉ាន់ស្មានបាន។
លិខិតដដែលបានបញ្ជាក់ថា «ការសម្រេចវិលត្រឡប់មកកម្ពុជាវិញ ឬមិនវិលត្រឡប់មកកម្ពុជា វិញរបស់ទណ្ឌិត សម រង្ស៊ី ក៏ដូចជាការដឹកនាំធ្វើបដិវត្តន៍ពណ៌បានសម្រេច ឬមិនបានសម្រេច គឺមិនចំណុះទៅលើមហិច្ឆិតារបស់ទណ្ឌិតរូបនេះឡើយ កត្តាសំខាន់ជាគន្លឹះគឺអាស្រ័យទៅលើការគ្រប់គ្រងបានល្អប្រសើរនូវសភាពការណ៍តាមមូលដ្ឋាននានាទូទាំងប្រទេស»។
សម្តេចតេជោ ហ៊ុន សែន ក៏បានលើកឡើងថា ដើម្បីបន្តគ្រប់គ្រងសភាពការណ៍តាមមូលដ្ឋាននានាឲ្យបានកាន់តែល្អប្រសើរថែមទៀត សូមលោក លោកស្រី ប្រធានក្រុមការងារថ្នាក់ជាតិចុះមូលដ្ឋានរាជធានី-ខេត្ត ដឹកនាំ ណែនាំដល់ក្រុមការងារ និងមន្ត្រី អាជ្ញាធរ កងកម្លាំងមានសមត្ថកិច្ចគ្រប់ថ្នាក់ សហការរៀបចំវេទិការសាធារណៈគ្រប់ឃុំ-ភូមិ ដើម្បីផ្សព្វផ្សាយអប់រំប្រជាពលរដ្ឋគ្រប់មជ្ឈដ្ឋាន អំពីផលវិបាកនៃការផ្តួលរំលំរាជរដ្ឋាភិបាលស្របច្បាប់ តាមរយៈ «សកម្មភាពបដិវត្តន៍ពណ៌» ដែលជាសកម្មភាពខុសច្បាប់ និងការវិលត្រឡប់មកកម្ពុជា របស់ទណ្ឌិតសម រង្ស៊ី ដើម្បីដឹកនាំសកម្មភាពខុសច្បាប់នេះ។
ទន្ទឹមនេះ ត្រូវខិតខំរួមគ្នាជំរុញការងារ កំណែទម្រង់ផ្ទៃក្នុង បង្កើនកិច្ចសហការដោះស្រាយឲ្យមានប្រសិទ្ធភាព និងទាន់ពេលវេលានូវបញ្ហាប្រឈមនានានៅមូលដ្ឋាន ។ ខិតខំលើកកម្ពស់ការផ្តល់សេវាសាធារណៈជូនប្រជាពលរដ្ឋ និងការអភិវឌ្ឍមូលដ្ឋាន ព្រមទាំងខិតខំអប់ រំមន្ត្រីក្នុងក្រុមការងារ និងមន្ត្រីអាជ្ញាធរ កងកម្លាំងមានសមត្ថកិច្ចគ្រប់ថ្នាក់ឲ្យខិតខំបម្រើប្រជាជន និងធ្វើអំពើល្អជាមួយប្រជាជនគ្រប់មជ្ឈដ្ឋាន។
ទាក់ទិននឹងលិខិតនេះដែរ លោក សម រង្ស៊ី បានលើកឡើងបណ្តាញសង្គមដោយនៅតែចាត់ទុកថា រដ្ឋាភិបាលបច្ចុប្បន្នគឺជារដ្ឋាភិបាល «ខុសច្បាប់» ហើយថា «ប្រជារាស្ត្រខ្មែរ ត្រូវតែផ្តួលរំលំ» របបនេះ។ លោក សម រង្ស៊ី បន្ថែមថា ក្នុងករណីដែលរដ្ឋាភិបាល «ចាប់ផ្តើមគិតគូរ ធ្វើអំពើល្អ» សម្រាប់ប្រជាពលរដ្ឋនៅពេលនេះគឺមានន័យថា «របបនេះធ្លាប់តែធ្វើអំពើអាក្រ ់»។
លោក សម រង្ស៊ី មេដឹកនាំគណបក្សប្រឆាំងបានស្នើឲ្យក្រុមការងារថ្នាក់ជាតិ ចុះអប់រំពលរដ្ឋដើម្បីទប់ស្កាត់បដិវត្តពណ៌ថា រដ្ឋាភិបាលកម្ពុជាគួរដោះស្រា យបញ្ហាក្នុងសង្គម ដើម្បីកាត់បន្ថយកំហឹងរបស់ប្រជាពលរដ្ឋជាជាងចុះណែនាំប្រជាពលរដ្ឋ៕
ចែករំលែកព័តមាននេះ